[A:287]dpal bzang po'i zhal snga nas las/ bla ma'i rnal 'byor thun mong ba rnal 'byor dbang phyug birWa pa'i bstod pa rje sa skya pa chen po dang / rje sa paN gyis mdzad pa/ rje btsun sa paN gyi bstod pa chos rgyal mar grags pa/ 'phags pa rin po che la bstod pa rje mus srad pas mdzad pa/ 'jam dpal mtshan brjod/ /sgrol ma phyag 'tshal nyer gcig rnams kyi lung gsan/ bde bar gshegs pa'i gsung rab mtha' dag rang stobs kyis 'grel par mdzad pa'i mkhas pa chen po dpal shAkya mchog ldan gyi drung du mi g.yo ba dkar po'i rjes su gnang ba/ jo nang kun spangs chen pos mdzad pa'i sbyor drug gi sngon 'gro thog mtha' bar dge dang bcas pa'i khrid yig gi lung tsam gsan la/ bo dong bde ba can gyi slob dpon mkhas pa chen po nam mkha' dpal rin las bo dong pa'i lugs kyi dbang dang man ngag cung zad nos shing / rnal 'byor gyi dbang phyug chen po rin chen chos dar las khros nag lha lnga'i dbang / thugs rje chen po rgyal ba rgya mtsho'i dbang bzhi sogs chos rgyal srong btsan sgam po'i gsung ngag ma Ni bka' 'bum du grags pa sogs man ngag 'ga' zhig nos so zhes thos so/ /mdor na bdag gi bla ma 'di ni dam pa'i chos kyis nam yang chog par mi 'dzin pas/ dgung lo drug pa nas bzung ste/ ji srid yongs su mya ngan las 'da' ba'i tshul mi ston gyi bar du/ mtshan nyid dang ldan pa'i bla ma dam pa de dag dang / snga mo dus bdag chen bsod nams rgyal mtshan pa las/ sa skya'i tshogs chos sdom gsum rab dbye'i shog bu kha yar gyi lung tsam gsan pa'i bar gyi dge ba'i bshes gnyen nyi shu rtsa lnga po de dag la/ dad pa dang gus pa bla na med pas bsten/ rnyed pa dang bkur sti