[A:286]ston rin po ches mdzad pa'i mdor bsdus dang po'i TIkka/ dka' 'grel snye ma/ rin chen gces pa'i lde mig /zab lam gyi sngon 'gro/ thog mtha' bar dge'i khrid yig /ngo sprod rgyud gsum gyi don gtan la dbab pa gcer mthong ngo shes rnams dang / sron pa kun dga' rgyal mtshan gyi rnam thar/ sron pa chos dpal bzang pos mdzad pa'i zab lam nges don sku bzhi'i lam du 'jug pa sogs man ngag gi yi ge bcu gsum/ de dag gi zhal shes dpal ldan bla ma dam pas mdzad pa/ ngo sprod bsil ba'i chu rgyun/ chos rje phyogs pas mdzad pa'i sgrub thabs dpag bsam snye ma/ dkyil chog bdud rtsi'i rol mtsho rnams dang / grub chen ayon pa chen po'i thugs kyi bcud ayon bsnyen sgrub tu grags pa nyams khrid du mdzad nas/ lugs de'i man ngag zla seng ba nas brgyud pa cha lag phra mo tshun yongs su rdzogs pa dang / bla ma bsod nams 'od zer ba'i gzhung bshad/ shong lo tsA ba'i khrid yig /theg chen chos kyi rgyal pos mdzad pa'i khrid yig dang / man ngag kun gyi snying po nor bu'i 'phreng ba sogs thor bu ba mang du gsan la/ gzhan yang shes rab kyi pha rol tu phyin pa stong phrag brgya pa/ sman bla'i mdo brgyad brgya pa/ dbu ma bshes spring / paN chen ma ti'i chos spyod rab gsal sogs chos kyi sgo mtha' yas pa zhig gsan pa yin no/ /gsung ngag rin po che'i 'dzod 'dzin pa'i chos kyi rje gtsang byams pa rdo rje rgyal mtshan las gur rigs bsdus pa mkha' 'gro lnga'i dkyil 'khor du man ngag lugs kyi dbang bskur ba gsan la/ rje btsun 'jam pa'i dbyangs dang gnyis su med cing / rdo rje'i chos skyong rnams bran bzhin du 'khol ba'i mthu stobs kyi 'khor los sgyur ba rje btsun chos kyi rje rgya dkar shes rab rgyal mtshan