[A:281]la nyid kyis gsol ba 'debs pa po mdzad de/ gdan sa chen por dad pa dang ldan pa bzhi brgya tsam dang lhan cig tu gsung ngag rin po che lam 'bras bu dang bcas pa'i gzhung khrid shin tu rgyas pa/ lam zab bla ma'i byin rlabs/ bir bsrung gnyis dang bcas pa/ 'khor lo sdom pa dril bu phyi dkyil du grags pa lha lnga/ lwa ba'i zhabs kyis bkral ba'i bde mchog sbyangs pa'i yon tan lha bcu gsum/ sdom pa bong zhal can lha so bdun rnams kyi dbang / phag mo zhal gnyis ma dang / nA ro mkha' spyod kyi byin rlabs/ rje btsun sa skya pa'i thugs dam gyi snying po dpal rdo rje gzhon nu'i stod las byang chub bsgrub pa dang / smad las drag po sgrol ba'i dbang / dpal yang dag zla gam gcig pa lha lnga bcu rtsa brgyad kyi dbang ste yang phur rnam pa gnyis/ 'khor lo sdom pa chen po 'phreng ba dang sgo mthun pa'i dbang / sa skya lugs kyi rdo rje 'jigs byed lha bcu bdun pa/ sgrol ma phyi dkyil/ sgrol ma lus dkyil lha nyer lnga'i dbang / bcu gcig zhal lha so bdun dang / tshe dpag med 'chi med rnga sgra'i dbang / 'jam dbyangs smra ba'i seng ge /'jam dpal ye shes yon tan bzang po/ gur nas gsungs pa'i 'byung po 'dul byed/ phyag na rdo rje gtum po khyung lnga pa/ dpal rdo rje nag po chen po gur gyi mgon po lha bcu gnyis ma bran bdud gshin rje nag po/ las kyi gshin rje lha bcu gsum ma rnams kyi rjes su gnang ba de dag so so dang 'brel ba'i yi ge'i lung mang po/ rta nag kun mkhyen pa'i sngags phyogs kyi brtsams chos phal che ba yang gsan/ mang du gsan pa'i don thams cad la ring du sbyangs pa'i mkhas pa chen po mnga' ris bzhi sde pa 'jam pa'i dbyangs nam mkha' brtan pa'i drung du dpal rdo rje 'jigs byed chen po rwa