[A:282]lugs thun mong ma yin pa lha bcu gsum ma dang / skyo lugs kyi khrid/ de dag dang rjes su 'brel ba'i yi ge rwa pod la sogs pa mang po'i lung / 'od gsal 'char ba/ bdud rtsi byin rlabs/ 'od 'chang ma rnams kyi byin rlabs bde mchog yab yum gyi go cha'i byin rlabs so so/ ku ru kulle lha lnga dA na shI la'i lugs kyi dbang / 'jam dbyangs a ra pa tsa na dang / phyag na rdo rje gos sngon po can gyi rjes gnang / dpal ldan bla ma dam pas mdzad pa'i khrid yig gi ngo sprod dang bcas pa'i thog nas rgya bod kyi sbyor ba yan lag drug pa'i man ngag thams cad kyi brgyud pa 'dus pa'i khrid myong khrid du mdzad la/ zhen pa bzhi bral gyi khrid yig dbon po kun dga' legs rin pas mdzad pa sogs lung gi tshogs mtha' yas pa zhig gsan pa yin no/ /yang dbus gtsang gi chos grwa du mar dge 'dun brgya phrag mang po la gsung ngag rin po che tshar lnga bcu rtsa gcig la sogs pa chos kyi 'khor lo rgya chen po bskor bar mdzad pa mus chen sangs rgyas rin chen dpal bzang po las kyang dpal kye rdo rje rgyu lam gyi dbang / bde mchog nag po pa'i dbang / bde mchog dkar po'i byin rlabs khrid dang bcas/ nA ro mkha' spyod kyi byin rlabs/ dpal rdo rje 'jigs byed kyi rdzogs pa'i rim pa rnal 'byor bzhi'i nyams khrid dang / mtshan mo rgyu ba/ rwa rtse sems 'dzin/ mtshan ma gyen sgreng rnams kyi khrid/ man ngag gi yi ge rwa pod du grags pa'i lung / skye med do pa'i lugs kyi bdud kyi spyod yul gyi khrid/ sems dpa' chen pos mdzad pa'i yi ge rnams kyi lung dang bcas pa/ rje nyid kyi bka' 'bum phal che ba'i lung / dud sol lha mo phyi sgrub dang / dur khrod bdag po'i rjes gnang rnams gsan pa yin ces