[A:280]dpal ldan rin chen gyis gsang ste ston pa'i slob dpon/ mkhas pa'i mkhas pa mkhan chen dkon mchog tshul khrims pas dus sgo ba/ rab 'byams smra ba chos skyong bzang pos zhu ba po mdzad de/ kha skong bar 'os pa'i dge slong brgyad dang bcas pa'i dbus su bsnyen par rdzogs pa dge slong gi sdom pa rnam par dag pa thob par mdzad la/ mtshan yang sngar las cung zad spel te/ kun dga' legs pa'i blo gros rgyal mtshan dpal bzang po zhes gsol to/ /bstan pa'i rtsa lag mkhas kun dga' ba'i gzhi/ /nyes pa kun spang yon tan legs rdzogs pa'i/ /blo gros gsal ldan ngur smrig rgyal mtshan can/ /bstan pa'i dpal gyur mdzad pa bzang po gang / /khyod kyis nyes pa'i rtsa ba drung phyung zhing / /thob bya'i yon tan mtha' dag rdzogs bzhin du/ /bstan la rim gyis bslab pa'i sgyu 'phrul gyis/ /byis pa'i 'gro ba rjes 'dzin 'di ngo mtshar/ /mkhan po chos kyi rje de nyid las dpal kye rdo rje'i rgyu dus kyi dang lam dus kyi dbang / lam zab mo bla ma'i rnal 'byor gyi byin rlabs khrid dang bcas pa'i thugs rje chen po gtso 'khor gsum pa'i rig gtad dang / lung gi rnam grangs 'ga' zhig gsan/ las kyi slob dpon mtshungs pa med pa'i mkhyen rab mnga' ba de las kyang dge bsnyen gyi sdom pa brgyad pa rtsa 'grel dge tshul gyi tshig le'ur byas pa lnga bcu pa slob dpon sanggha bha dras mdzad pa/ so sor thar pa'i mdo'i lung rnams gtso bor gsan/ zhor nyan 'jam dpal dpa' bo grub pa dang / nag po chen po lcam dral gyi rjes gnang / rje nyid kyi gsung rab 'ga' zhig gi lung nos la/ rje btsun 'jam pa'i dbyangs kyi rnam par 'phrul pa bdag chen thams cad mkhyen pa kun dga' bsod nams grags pa rgyal mtshan dpal bzang po