[A:278]mtha' bar dge ngo sprod dang bcas pa/ chos rje phyogs rgyal bas mdzad pa/ dbang mdor bstan pa'i rgyud/ nyi zla sgrub pa/ sbyor drug gi gzhung sha ba ris mdzad pa/ de'i man ngag jo nang kun spangs chen pos mdzad pa rnams gsan la/ dpal sdom pa chen po'i dbang bskur ba dang / kun mkhyen chen po dol po bas mdzad pa'i dus kyi 'khor lo'i bstod chen/ ngo sprod/ 'pho ba/ smon lam ste khyad 'phags gsum/ ri chos nges don rgya mtsho/ bstan pa spyi 'grel/ bka' bsdu bzhi pa rtsa 'grel sogs gsan zhing / rgyud 'grel gyi lung gzhan du gsan pa'i rjes su/ rdo rje slob dpon bdag po dang / bdag po chen po'i dbang bskur te lugs 'di'i bstan pa mtha' dag bstod par mdzad pa ltar/ deng sang jo nang pa'i lugs kyi dpal dus kyi 'khor lo'i smin grol ya ma bral ba'i myong khrid rang bzos ma sbags pa re re tsam gnas pa ni bdag cag gi bla ma dam pa 'di'i sku drin du shes par bya'o/ /'khor 'das kun khyab nges don dus 'khor lo/ /zag med dga' ba bzhi pa'i dpal 'bar ba/ /sgrib med legs par rtogs pa'i blo gros can/ /khyod ni rigs ldan grags pa mngon sum bzhin/ /nam mkha'i rnal 'byor chos tshul skyong mkhas de'i/ /gsung gi gsang ba 'dzin pa mang na yang / /srid mthar zab lam spel ba'i mdzad pa can/ /khyod nyid gcig pur nges pa 'di ngo mtshar/ /bla ma de nyid kyi gdan sa la bzhugs na zab rgyas kyi chos kyi 'khor lo sgyur ba/ lung dang rigs pa'i yon tan thams cad la mnga' brnyes pa'i byang chub sems dpa' sems dpa' chen po dpal ldan rin chen gyi zhabs las/ dpal dus kyi 'khor lo'i bsdus pa'i rgyud/ rgya cher 'grel pa dri ma med pa'i 'od stong phrag bcu gnyis