[A:276]rlabs myong khrid dang bcas pa/ rnal 'byor dbang phyug gi gzhung brgyad la sogs pa rgya bod kyi yi ge mang po'i lung / dpal rdo rje 'jigs byed sa lugs kyi dbang / rgyud rtog pa bdun pa rje sa skya pa chen po'i TIkka dang bcas pa rnams gsan/ rnal 'byor gyi rgyud la kun rig rtsa ba'i dkyil 'khor du dbang zhus nas de'i bshad pa phyag len dang bcas pa dang / spyod pa'i rgyud la a ra pa tsa lha lnga'i dbang dang / bya ba'i rgyud la tshe dpag med dze tA ri'i lugs lha dgu/ rdo rje mi 'khrugs pa lha dgu/ rigs gsum spyi'i dbang rnams gsan/ rgyud sde spyi'i dgongs pa 'grel pa slob dpon chen po a bhyA ka ra guptas mdzad pa'i dkyil 'khor gyi cho ga rdo rje 'phreng ba dang / grub chen darpaN a tsarYas mdzad pa'i bya ba bsdus pa gnyis kyi phyag len phyogs gcig tu bsdebs pa'i dkyil 'khor zhe lnga'i dbang bskur ba dang / dkyil 'khor cho ga rdo rje 'phreng ba/ sgrub thabs rnal 'byor rdzogs pa'i 'phreng ba/ sbyin sreg 'od kyi snye ma ste 'phreng ba bskor gsum du grags pa dang / kr-i ya sa munytsa'i lung / phyag khrid shin tu zhib pas brgyan te gsan la/ sgrub thabs kun las btus par gsungs pa'i thub pa rdo rje gdan pa sogs kyi rjes gnang brgyad cu/ gzungs dang sgrub thabs sogs dgu bcu rtsa drug gi lung dang / sgrub thabs rgya mtshor grags pa'i rjes gnang brgya dang bzhi bcu sgrub thabs nyis brgya bzhi bcu bzhugs pa ma tshang ba med pa'i lung / skyer sgang pa nas brgyud pa'i thugs rje chen po'i rig gtad/ thugs rje chen po bcu gcig zhal/ 'jam dbyangs a ra pa tsa/ rnam rgyal 'joms/ sme brtsegs/ gnyan sgrol yan lag drug pa rnams kyi rjes gnang / mi g.yo ba sngon po'i rjes gnang chu bsrung dang bcas pa/