[A:275]'byor gyi dbang phyug bya 'gyur ba bsod nams seng ge zhes grags pa de nyid sku gzhon nu'i dus nas bzung ste yun ring po'i bar du bsten zhing mnyes par mdzad de snga phyir gsung gi bdud rtsi bzhes pa/ gnyis su med pa'i rgyud dpal kye rdo rje'i lam gyi snying po gsung ngag rin po che lam 'bras bu dang bcas pa'i khrid yongs su rdzogs pa tshar gnyis cha lag dang bcas pa dang / lam skor phyi ma brgyad kyi khrid/ dpal kye rdo rje 'grel pa lugs/ mtsho skyes lugs/ nag po lugs kyi dkyil 'khor bzhi rnams kyi dbang / gur rigs bsdus pa mkha' 'gro lnga'i dbang gsan te/ rje btsun chen pos mdzad pa'i sa bcad/ 'grel pa gur rgyan/ mchan bu rnams kyi steng nas rdo rje gur gyi rgyud kyi bshad bka' yongs su rdzogs pa/ de'i dkyil 'khor sgrub mchod kyi phyag khrid zhib pa dang bcas pa/ sampu Ti'i rgyud las gsungs pa'i dpal rdo rje dbyings/ dgyes pa rdo rje drag po gdan can lha bcu bdun gyi dbang / shes rab kyi rgyud la/ dpal 'khor lo sdom pa lo nag dril gsum gyi dbang / de dag so so'i phyag khrid/ nag po rim bzhi'i nyams khrid dang / lu hi pa smad lnga/ nag po gzhung drug man ngag nag 'bum dang bcas pa/ dril bu skor gsum rnams kyi lung / dril bu rim lnga'i khrid byin rlabs dang bcas pa/ bde mchog rtsa rgyud kyi bshad bka' shin tu zab pa/ dpal mkha' 'gro rgya mtsho/ ma hA mA ya lha lnga/ padma dbang chen yang gsang khros pa khrag 'thung lha dgu'i dbang rnams gsan/ thabs kyi rgyud la dpal gsang ba 'dus pa mi bskyod rdo rje lha so gnyis/ 'jam pa'i rdo rje lha bcu dgu /spyan ras gzigs lha bcu dgu rnams kyi dbang / gshin rje gshed dmar po lha lnga'i dbang / rnam rtog 'od gsal dang / shin tu spros med kyi byin