[A:273]rjes gnang / phur stod la dpal 'dzin gyis sbyor ba'i man ngag gi be bum la sogs pa yi ge mang po'i lugs/ rdo rje 'jigs byed sa lugs dang / gshin rje dgra nag po zhang lugs su grags pa'i dbang / grub chen lA li ta badzras mdzad pa'i gshin rje gshed 'byung ba/ de'i rnam par bshad pa gshin rje gshed kyi zhing khams bkod pa la 'jug pa'i rgyan la sogs pa yi ge mang po dang / gshin rje gshed dmar po lha bcu gsum ma'i dbang bskur ba rnams gsan cing thugs su chud par mdzad la/ gnyis su med pa'i rgyud dpal dus kyi 'khor lo'i 'grel bshad chen po chos rje dpal ldan dam pas mdzad pa'i lung yongs su rdzogs par gsan te/ lugs 'di deng sang gi bar du ma nub par bzhugs pa ni bdag gi bla ma 'di'i 'phrin las kyi cho 'phrul gcig pur khums so/ /rnal 'byor gyi rgyud la kun rig rtsa ba'i dkyil 'khor shAkya seng ge sku'i dkyil 'khor la sogs pa sbyong rgyud nas gsungs pa'i dkyil 'khor bcu gnyis kyi dbang / spyod pa'i rgyud la rnam par snang mdzad mngon par byang chub pa sku mi zad pa rgyan gyi 'khor lo'i dbang / rtog pa las gsungs pa'i 'od zer can lha lnga'i dbang / bya ba'i rgyud la gtsug tor gdugs dkar mo can lha zhe gnyis kyi dbang legs ldan mched gsum gyi rjes gnang dang bcas pa/ slob dpon bram ze ma Ni badzras bkral ba'i rdo rje rnam par 'joms pa lha bcu dgu'i dbang / rgya bod kyi yi ge rnams kyi lung / slob dpon 'gro bzang snying po'i lugs kyi phyag na rdo rje'i dbang / gzungs grwa lnga'i dbang rnams dang / byang sems zla ba rgyal mtshan gyi lugs kyi