[A:272]lam skor phyi ma brgyad rje gha ya dha ra nas brgyud pa'i mgon po dpa' bo gcig pa'i rjes su gnang ba rnams dang / dpal kye rdo rje'i rtsa ba'i rgyud la rje btsun gong ma'i yi ge rnams dang / shar chen thams cad mkhyen pas mdzad pa'i dag ldan kha skong spyi don lung 'grel rnams kyi steng nas man ngag lugs kyi bshad bka' yongs su rdzogs par gsan zhing / tshig don thams cad ji lta bar thugs su chud pa yin la/ de bzhin du grub chen Dombhi pa'i lugs kyi snying po kye rdo rje'i dkyil 'khor du dbang bskur gsan nas 'grel pa kau mu ti/ dkyil chog bzang po yongs bzung sgrub thabs rin chen 'bar ba rnams kyi lung dang / slob dpon mtsho skyes kyis mdzad pa'i sgrub thabs/ 'grel pa padma can/ dkyil chog nas gling ma/ bstod pa nyi shu pa tshogs 'khor dam tshig lnga pa rnams kyi lung / slob dpon dam tshig rdo rje'i lugs kyi dpal kye rdo rje sku gsung thugs snying po ste he ru ka bzhi'i dkyil 'khor du dbang bskur ba nos nas 'grel pa rnal 'byor rin po che'i sbyor ba'i 'phreng ba/ sgrub thabs de nyid gsal ba la sogs pa lugs de'i rgya gzhung rnams rdzogs par gsan/ gzhan yang shes rab kyi rgyud las/ dpal 'khor lo sdom pa nag po'i lugs/ dril bu lus dkyil/ dpal mkha' 'gro rgya mtsho/ dpal rdo rje gzhon nus lugs/ sgrol ma bcu bdun ma rnams kyi dbang bskur ba dang / thabs kyi rgyud la/ gshin rje'i gshed zhal gsum pa/ gzhon nu gdong drug pa/ dpal rdo rje 'jigs byed chen po ro langs brgyad kyis bskor ba ste/ rwa lugs kyi nag po skor gsum gyi dbang / 'chi bdag las kyi gshin rje dpa' bo gcig pa'i