[A:274]rta mgrin nag po/ phag dkar shes rab gsal byed/ dpal smra ba'i seng ge /'jam dpal dkar po/ a ra pa tsa na/ mi g.yo ba dkar po/ ri khrod lo ma gyon ma rnams kyi rjes gnang / 'phags pa don yod zhags pa dpa' bo gcig pa'i rjes su gnang ba gso sbyong rang gis blang ba'i cho ga dang bcas pa gsan zhing / 'di nyid kyi dkar phyogs kyang lan brgya rtsa brgyad rdzogs par mdzad do/ /de dag gi bstan pa bsrung ba dpal rdo rje nag po chen po gur gyi mgon po lcam dral lha brgyad/ pu tra/ phyi nang gi zangs gri can gnyis rnams kyi rjes su gnang ba/ sgrub yig gsang ba yid bzhin nor bu sogs man ngag gi yi ge rab tu mang po/ stobs 'phrog dbang po gdong bzhi pa/ dpal dur khrod kyi bdag po/ dkar mo nyi zla bdud rgyal thod 'phreng can/ rgyal po chen po rnam thos sras zhi ba nor du sgrub pa ser chen dang / gsang sgrub ljang ser/ be con ma rnams kyi rjes su gnang ba/ de dag so so'i man ngag gi yi ge phal che ba dang bcas pa gsan zhing / 'phags pa shes rab kyi pha rol tu phyin pa brgyad stong pa/ mtshan yang dag par brjod pa rnal 'byor gyi rgyud dang mthun par bkral ba slob dpon 'jam dpal grags pas mdzad pa'i 'grel chen dang / slob dpon sgeg pa'i rdo rjes mdzad pa'i sngags don rnams gzigs/ rdo rje 'chang gnyis pa rje btsun sa skya pa mes dbon lnga'i bka' 'bum po ti nyi shu rtsa lnga yongs su rdzogs pa'i sogs rgyud sde bzhi dang rjes su 'brel ba'i chos kyi tshul dpag gis mi lang ba zhig gsan la/ bla ma 'di'ang ches sku drin che bas lo dus kyi bco brgyad mchod pa rgya chen po mdzad pa yin no/ /gzhan yang rdo rje theg pa'i gzhung lugs du ma la dbang 'byor zhing gzhan gyi don la skyo ba spangs pa'i grub chen rnal