[A:271]bam gyi lung / mgon po gri gug bzhi sbags kyi rjes gnang sogs chos kyi tshul du ma zhig gsan zhing mngon du mdzad pa/ bla ma 'di la nges par rdo rje 'chang kho na'i thugs 'dun mnga'/ zla ba byung ngo cog gi bco lnga mchod pa la dpal dus kyi 'khor lo yongs rdzogs sam/ dpal mkha' 'gro rgya mtsho'i maNDal sgrub mchod nam du yang ma chag par mdzad de/ mdor na chos kyi rgyal po yab sras 'di gnyis bdag cag gi 'dren pa dam pa 'di'i rigs kyi bdag po thun mong ma yin pa bdag cag rnams kyang longs spyod su che dang / stong 'ur su che'i rjes su mi 'brang bar ci nus kyi grub mtha' 'dzin zhing gsol ba 'debs pa'i rgyu mtshan yang de yin no/ /gzhan yang dpal zha lu'i gdan sa brgyad pa rig pa grol bar smra ba mtha' dag gi gtsug gi nor bu mkhas pa'i dbang po dkon cog tshul khrims kyi zhal snga nas nye bar bsten te/ gdan sa chen po dang chu 'dus la sogs par byon te/ snga phyir chos gsan pa la gsung ngag rin po che lam 'bras bu dang bcas pa'i dbang / byin rlabs/ khrid/ bla ma rgya bod kyi rnam thar nas bdag chen rdo rje 'chang chen po'i rnam thar rje nyid kyis mdzad pa'i bar gyi rnam thar rdzogs pa/ glegs bam/ lam 'bras pod nag ma/ gzhung bshad sras don ma/ dmar ma bar ston zin bris dang bcas pa/ lam zab mo bla ma'i rnal 'byor gyi byin rlabs khrid dang bcas pa tshar gsum khug pa'i byin rlabs/ shin tu nye brgyud las 'ongs pa'i man ngag /brda don gsal ba'i khrid byin rlabs dang bcas pa/ gdams ngag gi yi ge po ti dmar chung / phyag rgya chen po yi ge med pa'i nyams khrid dang / de'i byin rlabs sogs