[A:263]bar brtas pa'i dbang gis gsung de thos pa tsam gyis gtsug phud can gyis 'brug sgra thos pa bzhin du thugs la dga' ba dang spro ba bsam gyis mi khyab pa thob/ yab yum rnams kyis kyang ji ltar bka' stsal pa bzhin lhur blangs te/ zil gnon zhes bya ba me pho rta'i lo zla ba bcu pa'i tshes brgyad la dus gsum sangs rgyas thams cad kyi ngo bo nyid gdul bya'i dbang las gnas brtan 'dul ba 'dzin pa thams cad kyi gtsug rgyan du sku sprul pa bdag chen rdo rje 'chang chen po'i zhal snga nas kyis mkhan po/ lung dang rigs pa'i nor gyis rgyud phyug pa slob dpon bstan pa dar bas dge tshul gyi sdom pa ster ba'i slob dpon/ gzhung lugs rab 'byams 'dzin pa'i bshes gnyen dpal ldan sa skya'i gzhung las pa kun dga' bshes gnyen gyis grib tshod pa/ mkhyen brtse'i bdag nyid chos rje dpal ldan rin chen pa dang / dge slong blo gros rgyal po bas kha skong mdzad de/ bkra shis kyi gtsug lag khang dpal ldan sa skya'i gzhi thog bla brang du rab tu byung zhing / tshigs snga ma dge bsnyen dang dge tshul gyi sdom pa legs par nos shing / de'i tshe bdag chen rdo rje 'chang chen po'i zhal nas khyod ma 'ongs pa na rab tu byung ba bsnyen par rdzogs pa mang po'i mkhan po byed dgos pas ming legs po zhig 'dogs dgos gsung / ma 'ongs pa'i gnas tshul gsal bar lung ston pa dang lhan cig tu mtshan kun dga' legs pa'i blo gros zhes gsol to/ /mkhas kun dga' byed legs pa'i lam mtha' dag /tshul bzhin rtogs pa'i zab gsal blo gros mchog /mnga' slad