[A:391]las kyi rol par shes par bya'o/ /de dag gi 'chams dbyangs gar la sogs pa'i spros pa'i phyag len rang bzo dang 'brel med bro ba'i rtsed mo lta bu ma yin pa'i brgyud pa'i srol ma nyams la 'brel chags shing mkhas pas skye bo thams cad dga' bar byas/ cho ga'i gzugs brnyan tsam ma yin par/ der 'dus pa thams cad so so'i dbang bskur ba phyin ci ma log par thob cing cho ga la shar nan pher ba'i grul btub/ rdo rje slob dpon so sos gzhi bsnyen rdzogs pa'i khar slar yang zhag bdun re kha gso'i bsnyen pa mdzad pa dang / cho ga'i chings rnams lta ci smos/ mchod pa shoms tshul tshun brgyud pa'i phyag len ma nyams pa'i cho ga rnam par dag cing ting nge 'dzin dang ldan pas bla ma dam pa'i dgongs pa rdzogs par byas/ ming mchod gnas su btags pa'i ltogs skom yi dwags la 'gran dgos pa'i btson lcags med de 'dra ma yin par/ sbyin pa'i bdag pos khral dang / zur bskul ma yin phyag thog nas dngos po bzang la gya nom pa/ gtsang zhing bsod pa'i bsnyen bkur ches bzang ba/ gzhan dang gzhan dag 'gram chu ldang bar nus pa lo re bzhin je bzang la gnang bas mchod gnas rnams dga' mgur rangs par mdzad pa'i dge mtshan gyis bla ma dam pa'i thugs kyi dgongs pa chos kyi dbyings su rdzogs pa'i mtshan ma/ me tog gi char 'bab pa dang / rdul tshon gyi dkyil 'khor gyis mar me 'dzin pa dang / char chen po 'bab bzhin pa la yang gar 'chams kyi sgo dod pa na nam mkha' yongs su dwangs 'gro zhing