[A:392]grol ma thag char rgyun cher 'bab pa dang / bud shing dang yam shing gcig nyid la yang / rgyas pa'i sbyin sreg gi me gur gum gzhon nu lta bu dang / zhi ba'i sbyin sreg gi me zla ba zhun ma ltar 'byung ba sogs skye bo thams cad kyi bsnyon med du mthong ba 'di yin mod/ rgyal dbang bla ma mchog de'i bzhed pa'i don/ /rgyal bstan 'phel zhing rgyas byed nyid yin zhes/ /rgyal srid chos la sbyor ba'i sa skyong des/ /rgyal ba'i bstan pa rin chen bla mar mdzad/ /gang zer dbyangs su len pa'i cho ga dang / /'brel med rkang lag gang bde'i gar 'chams dang / /dbang med ham can 'tshogs pa'i chang 'thung la/ /sgrub mchod ming du btags pa 'di mi 'dra/ /phyogs re'i dkyil chog sbyangs pa'i mkhas rlom 'gas/ /phyogs 'di'i phyag len mtha' dag mthong ba'i tshe/ /phyogs bslad 'gron po lta bur mun 'thoms shing / /phyogs lhung dbang gis snying la zug rngu ster/ /rab mchog bla ma dam pa'i drin thob cing / /rab mang thos pa rgya mtsho'i pha rol son/ /rab 'byams rgyud sde'i gzhung la sbyangs pa yi/ /rab dkar shes ldan de dag spro bas 'jug /mdor na bla ma dam pa'i sku drin mtshungs pa med pa 'di nyid kyi sku'i zhal skyin du sku 'dra yid bzhin gyi nor bu byin rlabs kyi zil chen rgyas pa gsung ngag rin po che'i brgyud pa rnams dang bcas pa bkra shis dang dge mtshan gyi gzi 'od ches cher 'bar ba 'di nyid dang / gsung gi rten du g.yas ru myug gi chos grwa chen po gnas dgon du rgyud gsum man ngag dang bcas pa dang / dpal dus kyi 'khor lo'i rgyud 'grel man ngag dang bcas pa la bshad sgrub lhur len