[A:390]lha bco brgyad/ dpal 'khor lo sdom pa lu hi pa'i lugs/ phag mo mngon par 'byung ba lha so bdun/ kun rig rtsa ba'i dkyil 'khor/ 'od zer can lha lnga/ tshe dpag med lha dgu/ rnam 'joms/ ma Ni badzra lha bcu dgu/ gtsug tor gdugs dkar mo can lha zhe gnyis/ gzungs gra lnga lha lnga bcu rtsa gcig rnams kyi rdul tshon gyi dkyil 'khor zhal phye nas/ zla ba drug pa'i nyer brgyad nas bdun pa'i tshes bzhi'i bar zhag re bzhin spyi sgos kyi mchod pa rgyas pa gsar du bshams pa'i/ sgrub mchod rgyas pa bdag 'jug gi dbang blang ba dang bcas pa tshar gnyis ma/ zhi rgyas kyi sbyin sreg /dpal dus kyi 'khor lo'i mchod gar rgyas pa dang / dgongs re bzhin yang bdag chen rdo rje 'chang chen po'i phyag len ji lta ba'i chos skyong rnams kyi gtor sgrub bstod pa'i dbyangs res sogs shin tu rgyas pa/ gur gyi mgon po'i gtor chen/ stobs 'phrog gdong bzhi pa'i gtor ma zhi drag rnams kyi skabs su rang rang gi 'chams shin tu rgyas pa/ de dag gi skabs su bsnyen bkur ba shin tu phun sum tshogs pas mchod gnas rnams kyi dgongs pa rdzogs nges/ tshogs kyi 'khor lo rgyas pa tshar kha yar dang bcas pa btsugs shing / ji srid nyi zla gnas kyi bar du mi nub cing gong 'phel du 'gyur ba nyid tshugs pa la brten nas 'o yug sdings ma dang / bsreg shing rin chen sgang rnams su yang dkyil 'khor bcu tsam re'i sgrub mchod lo re bzhin ma chag par tshugs pa sogs gsang sngags rdo rje theg pa'i bstan pa rin po che'i rgyun la phan nges pa 'di yang bdag gi bla ma thub pa'i bstan pa bla mar mdzad pa 'di'i 'phrin