[A:389]re re las/ snam sbyar dang / chos gos dang / ber thul la sogs pa rang rang la 'os pa'i na bza'/ snyan dar/ drung na rdo rje dril bu nang mchod/ zhal dkar bdun cha sogs mchod pa'i yo byad dang / gos 'bol gos snyel kha gdan dang bcas pa brjid cing lhun chags pa la bzhugs pa'i drung na/ spyi'i mchod pa phul du byung ba/ mar dkar gyi sgron me nyin mtshan du 'bar ba bdun phrag gcig dang bcas pa 'di bzhengs pa nas bzung / yul phyogs 'dir mi nad dang phyugs nad med cing lo phyugs legs pa sogs bkra shis dang dge legs kyi mtshan ma ngo mtshar ba du ma zhig byung bas/ shes ldan gzu bor gnas pa thams cad kyi mchod pa'i gnas dang / yi rang ba'i yul du bzhugs pa 'di yin no/ /slar yang me mo sbrul lo la/ dben shrI byang chub sems dpa' rgyal ba bzang po'i gdung brgyud rnam par dag pa las 'khrungs pa'i mtho btsun chos kyi rje sems dpa' chen po bsod nams dpal 'byor ba la sogs pa gzhis byes kyi dge 'dun rdo rje 'dzin pa brgya phrag gcig gis cho ga'i lag len phra rags la legs par sbyangs shing / bdag gi rje btsun de nyid kyi phyag len ji lta bar dbang bskur bsgrubs/ rdo rje slob dpon so sos kyang de dang de'i gzhi'i bsnyen pa mthar phyin par mdzad de/ dpal kye rdo rje man ngag lugs bdag med lha mo bco lnga/ dpal dus kyi 'khor lo sku gsung thugs yongs su rdzogs pa/ gsang ba 'dus pa 'jam pa'i rdo rje dpal rdo rje 'jigs byed chen po lha bcu gsum pa/ gshin rje gshed dmar po lha lnga/ dpal phyag na rdo rje 'khor lo chen po