[A:388]pa bdag gi bla ma rdo rje 'chang de nyid kyi phyag len ji lta bar ma 'khrul zhing ma 'dres par bsgrubs te/ yongs su gdung tsha rje btsun sgrol ma'i sku 'bum phrag gcig lhag par btab pa las/ gtsug lag khang 'di na khri tsho brgyad lhag pa zhig bzhugs/ gzhan rnal 'byor dbang phyug dang kye rdo rje la sogs pa re re zhing yang stong phrag mang po btab cing / thams cad la gser gsol te phyogs kyi zhal slob rnams la byin rlabs rten du phul/ phal cher gtsug lag khang 'di nyid na bzhugs te/ mdor na zla ba phyed dang lnga la rten dang brten pa mchod pa'i yo byad dang bcas pa ma tshang ba med pa'i zhabs su chug cing / de'i tshe ngo mtshar ba'i ltas/ zla ba dgu pa'i tshes bzhi la sku 'dra rin po che la srog shing phul ba'i 'ja' gur dang me tog gi char lhag par babs pa dang / rten gral bsgrigs pa'i nyin thams cad mthun snang grub par rgyun pa'i nyi ma gnyis tsam gyis ring ba byung ba sogs mthun rkyen thams cad 'bad med du khrig khrig byung la/ gegs kyi rnam pa cung zad tsam yang med par tshegs chung ngus bde blag tu grub pa 'di lta bu yang rje btsun nyid kyi thugs rje kho na las byed po gzhan ci yang yod pa ma yin no/ /de nas sras kyi thu bo mkhan chen thams cad mkhyen pa chen po'i zhal snga nas spyan drangs te zla ba bcu pa'i tshes bcu la sta gon mdzad de/ dpal kye rdo rje'i rdul tshon gyi dkyil 'khor la brten pa'i rab tu gnas pa shin tu rgyas pa zhag lnga pa zhig mdzad de/ de'i tshe yang 'ja' 'od me tog gi char cher babs/ bla ma rnams re re nas rim bzhin sku drung gi mar me 'dzin pa sogs byin rlabs kyi mtshan ma bsam gyis mi khyab pas phyug pa'i sku dngos lta bu de dag