[A:387]ma'i phye mas sbags pa'i rgyu las grub cing / 'dzam bu chu bo'i gser gyis byugs pa'i 'od 'bar ba de dag gi nang na rten rdzong ji ltar bzhugs pa'i tshul ni/ rje nyid kyi sku gdung rin po che phye mar byas pa las grub pa'i gdung tsha grangs med pa zhig btab ste/ rten gyi gtso bo gsum po 'di'i dbu'i nang na/ lam zab/ rnal 'byor ma rdo rje 'jigs byed rnams kyi brgyud pa 'bur sku rdzogs pa re/ rnal 'byor dbang phyug birWa pa'i sku lnga brgya lhag pa/ kye rdor/ bde mchog /dus 'khor/ gsang 'dus/ 'jigs byed/ gshed dmar sogs sngags sku du ma sgrol ma dkar mo'i sku khri tsho re dang brgyad brgya tsam/ dpal gur gyi mgon po lnga brgya tsam re dang bcas pa/ bla ma gzhan rnams kyi thugs ka na/ kye rdor nas 'khor lo chen po'i bar gyi sngags sku rnams gsum gsum dang / sgrol dkar gyis phyur bur gang zhing / mthar gur gyi mgon po brgya rtsa tsam dang bcas pa bzhugs pa/ de thams cad la gser dngul gyis byugs/ gos dar dang ras bcos bu dri ma med pa'i na bza' dang bcas til gyi gang bu bzhin legs par gtams pa dang / srog shing rten pa'i gzungs bla ma brgyud pa'i mtshan 'bum nas gzungs bkra shis kyi bar rgyud sde bzhi dang 'brel ba'i gzungs bsam gyis mi khyab pa/ thugs ka na rje nyid kyi sku gdung yungs 'bru lta bu'i ring bsrel re re dang / bdag chen rdo rje 'chang chen po yab sras la sogs pa bla ma gong ma'i byin rlabs rten du ma bzhugs shing / mtha' rin po ches bris shing zla ba gsum gyi bar bsgrubs pa'i gnod sbyin 'khor los zhabs sdom pa'i bar/ rje btsun sa skya pa'i bzhed