[A:386]'khor lo chen po ste pha rgyud kyi dkyil 'khor bcu/ bde mchog sdom 'byung / dril bu lha lnga/ mai tri bcu gsum ma/ lA ma bcu gsum ma/ mkha' 'gro rgya mtsho'i snying po'i dkyil 'khor/ phag mo mngon 'byung so bdun ma/ rdo rje gzhon nu lha nga gcig /mi g.yo ba bla med lha bcu gsum pa/ tshe dpag med grub rgyal lugs lha so bdun pa dang / bcu gsum ma/ sgrol ma lha bcu bdun ma/ u rgyan sgrol ma lha nyer lnga/ rnam 'joms bir lugs/ gur gyi mgon po lha brgyad dang / bcu bdun ma ste ma rgyud kyi dkyil 'khor bco lnga/ gzhan yang bla ma yi dam/ chos skyong nor lha sogs bsam gyis mi khyab pa la logs bris su bzhengs/ sprul sku mkhas pa chen po bde bsam pa dpon slob rnams kyis rje btsun mkhan chen thams cad mkhyen pa'i zhal snga nas la sogs pa gsung ngag brgyud pa'i bla ma rnams bzhengs/ rten gyi gtso bo rje btsun nyid kyi sku ni grub thob kyi 'khor lo sgyur ba lce ston rin po ches phyag len mdzad la/ bdag gis gzungs kyi zhu dag dang do dam pa bgyis te/ mdor na bzo bo las byed kho na lnga bcu lhag tsam la dus rgyun dang khyad par ba'i bsnyen bkur ches ma rabs rnams kyang bsam pa khengs pa de lta bus gzhi rten/ zhal ngo so so dang / nang 'khor dang / mnga' zhabs kyi dad pa can du mas skabs chang dang bzhes spro sogs kyis zur nas brgyan te mchod bzhin pas/ nang rten gsung ngag rin po che'i brgyud pa ngor lugs yongs su rdzogs pa/ bdag chen 'jam dbyangs chen po/ rje btsun brtse ba chen po'i sku 'theb tu'ang mi tshad lhag nges dang bcas pa thams cad kyang phyag tshad dang ldan zhing sku byad lta bas chog mi shes pa lta bu/ rje btsun nyid kyi gdung thal dang dri dang sman dang rin po che du