[A:385]phyags phyi bgyis te sku gdung rin po che mchod rten nas spyan drangs pa'i dus kyang dri bzang dang me tog gi char lhag par babs/ de nas re zhig gdung sgrom zhig tu bzhugs nas mchod pa dang bsti stang du bgyis pa'i mthar/ yos lo zla ba dang po'i nyer gsum la sras kyi thu bo mkhan chen thams cad mkhyen pa chen po'i zhal snga nas/ thugs dam bsnyen pa kha gso sngon du 'gro ba can gyi sgo nas dpal kye rdo rje'i rdul tshon gyi dkyil 'khor chen po'i dbus su zhugs la zhen pa na'ang / me tog gi char dang 'ja' 'od la sogs pa ngo mtshar ba'i ltas du ma byung zhing / sku gdung rin po che phal cher ni zla ba zhun ma ltar dkar zhing dwangs la 'od 'phro ba la thig le mthing ga dang / dmar ser la sogs pas mtshan pa dang / haM yig la sogs pa'i yig 'bru dang / ring bsrel gyis phyur bur gyur pa kho na byon/ tshems kyi gdung rnams ni mthing shun ltar sngo ba dang / dbyar gyi char sprin ltar mdzes pa sha stag tu byon pa rnams/ lo gcig gi bar za ma tog tu bzhugs pa la mchod pa dang na bza' bzang pos bkur stir bgyis te gsol ba btab/ de nas me pho 'brug gi lo zla ba bzhi pa'i nang du bzo bo rnams spyan drangs/ sprul sku sUrYa rin chen sogs ri mo ba brgyad kyis rdo rje 'chang chen po la grub chen brgyad cus bskor ba gtso bor bzhugs pa'i dpal rdo rje 'phreng ba'i bla med kyi dkyil 'khor nyer lnga dang / 'dus pa spyan ras gzigs/ 'jigs byed lha bcu gsum ma/ zhe dgu ma ro langs brgyad bskor dpa' bo gcig pa phyag mtshan gyis bskor ba/ gdong drug lha nyer lnga/ bde chen ral gcig lha nyer lnga/ gshed dmar lha lnga dang / gtum po phyag na rdo rje