[A:382]pa dang / kha dog dkar po 'ja'i gur dang / dar brkyang pa lta bu dang / pa tra ltar 'khyil ba dang / ku sha'i chun bu lta bu dang / gdugs dang / ba dan dang / mi dang srog chags kyi gzugs brnyan du ma shar nub tu 'gro zhing sna tshogs su snang ba dang / me tog 'dab ma bzhi pa dang / brgyad pa sogs nam mkha' nas phub tsam lding zhing 'khor ba lag pas bsnyogs pa tsam na je mthor 'gyur ba dang / me tog gi 'phreng ba 'dom re tsam bar snang la yud yud 'phyang me tog dkar po sil ma kha ba ltar babs pas/ nyi ma 'grib thub pa dang / sa gzhi mdog 'gyur ba babs te/ don gnyer rnams kyis bsgrubs pa na dkar yol gang tsam rnyed pa la tshegs med pa byung zhing / zhi bar gshegs pa'i gnam gang gi snga dro rje 'di'i slob ma/ chos rje grags pa bya ba'i sgom chen pa bzang po zhig khyud tshad ma bya ba'i ri khrod na yod pas nyi ma rtse shar la bltas pa na/ rje'i gzims khang gi steng gi nam mkha' la 'ja' kha dog lnga ldan las grub pa'i rigs lnga'i gdan gyi gzugs brnyan shin tu gsal ba dang bcas pa'i khri phub chen po zhig yun ring po'i bar du 'dug pa mthong / the tshom du gyur pas mtshams bkrol te zhabs drung du 'ongs pa na snang tshul 'di la thugs 'dug pa'i nges pa dang / gzhan yang gzims khang gi nang sngar phan chad bdag cag rnams kyi sna'i yul du yod ma myong ba'i dri bzang po ga bur gyi ngad 'dra ba la des 'gran par mi bzod la yid 'phrog cing snying sang zhes byed pa lta bu yang dang yang du 'byung ba sogs lha dang mi'i mchod pa phul du byung bas mchod cing / me tog gi char ni dgu mchod yin no cog la sras kyi thu bo mkhan chen thams cad mkhyen pa'i