[A:383]zhal snga nas gang bzhugs pa dang / sku gdung rin po che bzhugs pa'i sa phyogs su deng sang yang rgyun mi chad par 'bab pa mig ldan kun gyis bsnyon med du mthong ba 'di yin mod/ dgung zhag grol nas kyang dpal kye rdo rje'i sgrub mchod/ bla ma mchod pa shin tu rgyas pa dang bcas pa/ zhabs rdul yun ring du bsten pa'i nye gnas pa ye shes rgyal mtshan dang bstan pa rab rgyas pa grogs mched kyis lo gcig khyir bar bsgrubs/ zla ba byung ngo cog gi nyer dgu la dus 'khor la sogs pa 'og nas 'byung ba'i dkyil 'khor 'di dag gi maNDal sgrub mchod rgyas pa re/ re mos kyi tshul du rdo rje 'dzin pa lnga lngas mdzad cing / sbrul lo dus kyi mchod pa chen po'i tshe/ dpal kye rdo rje/ dus kyi 'khor lo yongs rdzogs/ gur rigs bsdus/ bde mchog lo hi pa/ dpal rdo rje 'jigs byed ro langs brgyad bskor rnams re re'ang rdo rje 'dzin pa lnga lnga ste dge 'dun lnga bcu tsam gyis rdul tshon gyi dkyil 'khor zhal phye nas sgrub mchod shin tu rgyas pa gtor sgrub dang bcas pa zhag bdun gyi bar mdzad pa la mchod pa dang bsnyen bkur ba bsam gyis mi khyab pas mnyes par mdzad pa'i dge ba rnam dag gi rgyun zhig gnas gsar nas kyis dad pas kun nas blangs te 'dzugs par mdzad pa/ spre'u'i lo thub tshul bzhin du gnas mod/ dus kyi zing log gi dbang las dge ba'i gzhi rkyen de dag tshogs ma bsags pa kha cig gis dga' mgur spyad de/ phyogs der dri ma med pa'i bstan pa nyams par gyur mod kyi/ sbyin pa'i bdag po ni bsod nams kyi ched du 'dun pa mi zhan zhing / bla ma'i sku drin