[A:374]dang don bdun 'das shing / rje nyid kyis dgung lo drug cu rtsa brgyad bzhes pa me pho 'brug gi lo/ /zla ba drug pa'i nyer dgu'i mtshan snga phyed tsam na rgyud sde zab mo nas bshad pa'i 'da' kha mas mtshams sbyar te mkha' khyab kyi ting nge 'dzin 'gog pa bden pa rnam par grol ba'i ye shes kyi sku mngon du mdzad de/ dpa' bo dang rnal 'byor ma ri rab kyi rdul dang grangs mnyam pa nam mkha'i gtos yongs su gang ba rnams kyis lha rdzas kyi me tog la sogs pa'i mchod pa dpag tu med pas mchod cing gdugs dang rgyal mtshan dang ba dan g.yo ba la/ rol mo'i sgra dbyangs snyan po dang bcas pas spyan drangs te/ gnam gang gi nyi ma phyed tsam na thag ces pa'i sgra chen po dang lhan cig tu dbu'i gtsug tor sor bzhi lhag par gyen du 'phags te/ ye shes kyi rlung gis gtsug tor phug nas mchog gi grong khyer du gshegs nas rdo rje 'dzin pa'i ye shes kyi sku mngon du mdzad pa yin no/ /e ma srid lam dub pas cher ngal ba/ /bdag cag 'khor mtsho sgrol ba'i ded dpon mchog /bsod nams dbang gis lan cig rnyed pa de/ /rmi lam nor bu ji bzhin de ring gtor/ /mthong tshe dug gsum mun pa kun sel zhing / /nyams rtogs padma gsar du kha 'byed pa/ /phan bde'i sbrang rtsi rgyas la mi ngal ba'i/ /nam mkha'i nor bu chos dbyings nub rir son/ /thos pa tsam gyis snying la kun dga' ster/ /bsams nas 'khor ba'i gcong chen drung nas 'byin/ /snyan cing 'jebs la don bzhin 'doms pa'i gsung / /da dus thos pa'i skal ba ci zhig yod/ /chos rje mkhas grub gzhan dag mthong bas kyang / /chos rgyal de nyid snying gi dkyil nas dran/ /chos bzhin gdul