[A:371]nas/ /bdag snying 'gas par mi gyur ci yin ka /de nas bdag gi byur zhal la rje btsun dbon rin po che yang der ma bzhugs par bdag dpon slob rnams kyis ni rta nag la phyin/ gdong khar rje grub chen snyel po zhig byung 'dug pas/ rje 'di la bka' shog mdzad de/ khams ma bde ba 'di byad kha'i rnam pa zhig yin 'dra bas/ de nas gur zhal gang rigs kyi gtor bzlog mdzad dgos/ phud phye sogs kyang phul yod phebs pa ltar bla ma'i sku rim la thugs shin tu spro ba dang bcas pas gur zhal gnyis ka'i gtor chen mdzad pas rje/ sgrub chen 'phral du sku khams legs par dwangs/ slar zhal dkar gyi gsol ja zhu bar yang gnang 'dug /de nas hor zla drug pa'i nyer drug gi nub/ sku khams cung zad snyel ba'i tshul bstan sku rim rgya dpangs che ba dang / drung chen ser po bas gsol sman gyi 'phrod bsten kyang ci rigs par phul pas bde skyed kyi tshul bstan/ sbyin bdag chen pos zhal dkar yang zhus/ nyer bdun brgyad dgu'i nyin par rnams sku shed chung ba tsam ma gtogs snyel ba'i rnam pa ci yang med par 'dug pas thams cad blo bde bar gyur mod/ rje nyid ni thugs bde nyams che zhing thugs dam gyi rim pa dus gtor sogs sngar 'khyud bzhin mdzad la/ gzims chung nas phyir phebs khar/ gnas gsar nas sde pa chos kyi rgyal po sku drung du bos nas/ gtor ma 'di 'bul rgyu yin/ 'di dag re zhig 'jog rgyu yin ces gsung / bde ba can gyi bzhugs gdan la phebs nas der bzhugs/ de nas nyer dgu'i dgongs thun gyi thugs dam gyi sgang la phyag g.yon rnams sprug pa dang / phyogs su gdeng ba sogs gar gyi rnam pa mang po mdzad kyi 'dug nas/ drung chen ser po bas da ci nas 'di 'dra mdzad kyi gda' ba gang lags