[A:370]byung nas mchi ma mang po shor/ skad kyis brnangs pa tsam du ngus/ mgo sa la brdebs shing btsal ba'i phyag la grangs kyi 'di yin zhig ma byung 'dug pas ma bshum par 'dir byon/ ngas byin brlabs byas kyi gsung drung du phyin pa na mchi ma rnams phyag gis phyis nas byin rlabs bka' bsgo rgyas po zhig mdzad / nga la'ang soms la thos bsam sgom gsum la g.yel ba ma byed cing / nga khyed la re chen po zhig yod do/ /gsung bdud rtsi ril bu bdun gnang / bdag gi phyi ma med pa'i phyag de phul nas 'bral mi phod bzhin du phyin te/ sgo nang nas slar log ste/ dus dang gnas skabs thams cad du skyabs mgon re sa gzhan mi bdog pas thugs rjes gzigs par zhu'o zhus pas zhal 'dzum mdzad de thugs rjes los gzigs/ ngas dus thams cad du khyod ma brjed pa byed kyi yod gsungs te/ bsod nams kyi bgo skal mthar btugs pa bdag gi bla ma dam pa khams gsum na rnyed par dka' ba 'di'i zhal gyi dkyil 'khor dngos su mthong ba dang / gsung gi bdud rtsi thos pa'i tha ma 'di yin/ las nag dus su smin par myur ded nas/ /lam nag dmyal ba'i g.yang sar lhung ba bzhin/ /rta nag phyogs der 'gro ba 'di brtsams tshe/ /bdud nag dga' ba'i gar stabs cis mi sgyur/ /mchog gi bla ma de yi zhal bzang po/ /nam yang 'bral ba med pa'i mig dang snying / /mya ngan mchi mas sbags pa'i skal ngan des/ /phyi ma med pa'i phyag dang gtam 'di zhus/ /bslu med khyed kyis bden par zhal bzhes te/ /thugs rjes bdag cag 'bral med skyabs lags mod/ /gsung gi tha mar gyur pa 'di thos