[A:372]zhus pas/ bskyed rim shin tu gsal ba zhig byung bas de'i lad mo byas pa yin nam gsung / srod thun kyang rim bzhin mdzad/ bdag gis phul ba'i rgya 'phan de dang dkar me mang ba zhig theg mchog pho brang du phul shog gsung / mar me legs po 'dug gam gsung gda' zhus pas go bcad nga'i lam phywa yin mod ces gsung / khong rnams la lam gyi grogs zhu dgos pas rab 'byams pas dgu gtor bzabs las mdzad/ ngas 'di ga nas gtor bsngo rgyas po zhig bya yis gsung ste/ gcung po chos kyi rje mthu stobs kyi dbang phyug de gzims chung du rnga brdungs sogs mdzad/ rje nyid bde ba can du bzhugs nas rnga dril sogs sku khams gso na yod dus las kyang bde ba dang bcas mdzad kyi 'dug ces thos/ de nas re zhig na bdag gi phas thugs dam gsal po yod dam zhus pas/ rdo rje 'chang blo gros rgyal mtshan dpal bzang po'i sku drin las ting nge 'dzin shin tu gsal bar yod gsung / de nas gzhan gsung cher ma byon/ cung zad thos pa la ni/ oM AHhU~M ho haM kShaHkho na gsung gi 'dug zer/ der bsod nams dang ldan pa'i sku 'khor dang / sbyin pa'i bdag po gnas gsar pa'i zhal ngo der bzhugs pa thams cad drung du lhags nas byin rlabs zhus/ smon lam btab/ zhabs spyi bor blangs te gsol ba btab pa'i mthar/ bdag gi phas rje btsun rdo rje 'chang chen po bdag cag rigs brgyud 'khor dang bcas pa thams cad skye ba dang tshe rabs dang srid pa thams cad du rjes su 'dzin pa dang / khyed gang du bzhugs pa'i zhabs drung du skye bar byin gyis brlab tu gsol zhes zhus pas/ spyan gyis