[A:369]rin po che nyid gsung ste/ thub pa'i dbang pos lan gnyis lan gsum du/ /gsungs kyang kun dga' bo yis rtogs ma nus/ /de bzhin bla ma mchog 'dis lan gnyis su/ /gsungs mod mkhyen ldan des kyang ma dgongs pa/ /'di ko bdud kyis nye bar brlams pa'am/ /'on te rtag 'dzin kho nas bslus pa yin/ /yang na mya ngan zug rngus bsregs dogs nas/ /nyid kyis go ba med par mdzad dam snyam/ /de dus dbon rin po ches don de dgongs nas zhu ba byung na thugs gtsigs che zhing thugs kyi bstad so yin pa dang / thugs kyang sgam po zhig bdog pas 'das ma 'ongs kyi snang tshul kha cig mi gsung ba'i nges pa mi 'dug mod snang tshul de las ma byung / de nas bdag ni dmyal ba'am/ gshin rje'i grong du 'gro ba las kyang ches 'tsher zhing sdug pa zhig yod na'ang / nged rang gi yab yum spun zla thams cad kyis lto rdzong pa bzhin du zhi drag du ma'i sgo nas dbyen bcos/ bla ma dam pas dus gsum gsal bar gzigs bzhin du'ang bdag bsod nams dang mi ldan pa phyags phyir med na legs par dgongs pa'am/ gzhan ngo bsrung ba la gtso bor mdzad pa zhig bdog pas nye 'brel chos zhus pa la gsan pa yin min mi shes/ phyin pa legs gsung bka' gnang ba zlog ma nus par/ rta nag la 'gro ba'i lam du zhugs/ 'gro khar gser zho gang rgya 'phan legs po zhig yod pa de khyer nas byin rlabs zhu bar phyin pas/ gzims mal na mi bzhugs par/ bde ba can gyi bzhugs gdan la bzhugs 'dug pa mthong ma thag /sngar dang ye mi 'dra ba'i gdung ba chen po zhig