[A:368] shes ldan rnams kyang gang yin zer ba tsam las rtogs dpyod kyang mi 'jug pa zhig byung ste/ kwa ye sems dang bral ba'i bems po yang / /dam pas 'bor bar nges nas mya ngan gyi/ /rnam 'gyur mi rung de dang de bstan mod/ /sems ldan rnams kyis da dung ngo mi shes/ /gli'u nas pheb nas zhag 'ga' nas/ rje btsun rin po ches phyag dpe po ti gcig zhal phye bas/ theg chen chos kyi rgyal pos mdzad pas man ngag kun gyi snying po nor bu'i phreng ba zhes bya ba 'pho ba'i gdams pa zab mo ston pa de 'thon 'dug pas/ de kha sing nas btsal bas ma rnyed/ de dgos pa yod pas zur du thon gsung / phyag tu phul bas da yang 'di tsho grabs byed dgos pa gda' gsung / de nyin jo nang na dbon sgrub chen ma zhig yod pa de'i zhu yig na/ jo nang bsam gtan gling na yod pa'i chu mig bzang po de glo bur du skams 'dug pa bgres mo rnams gsung dus 'di gzhan skams ma myong / sngon rje nam mkha'i mtshan can rtse chen du gshegs pa'i tshe skams byung / da lam kyang rje kun dga'i mtshan can la sku dog yod pa yin nam/ zhes gleng gi 'dug pas der sku rim bzhin gnang na legs bsams zhu ba rje dbon drung du phul 'dug pa snyan du btab pas kyang ci yang mi gsung ste/ cang mi gsung bas de de bzhin du 'dzin to zhes dgongs par 'dug ste/ nged rang rtag 'dzin che zhing sems rmongs pa dang / sngar yang zhing gzhan du gshegs pa'i lung bstan sogs rim par byung yang / rje nyid kyi thugs rje dang thugs dam gyi byin rlabs kyis zhing 'dir bzhugs pa yin/ da dung yang de kar yong snyam pa las gzhan blo la 'char rgyu ma byung zhes dbon