[A:367]tsam sems la shar zhu ni ma nus nam phebs sam/ phebs bsu la yong ba lags zhugs pas/ spyir bla ma skyel la sogs pa dang zer dga' mod yin te/ sdug ge mnga' zhabs pa 'di tsho gzan pa las med pas ma 'byon gsung / de nas rje grub chen rje'i zhal nas bdag rgan po 'di ngos la thugs rjes gzigs par zhu gsungs pa'i lan du/ wa lung grog po na khyi rgan gyi ro mang ba gda' 'am khyi gu'i ro mang pa gda'/ gang ltar thugs dam skyabs 'og zhu'o/ /gsung zhes thos te/ zla ba'i dkyil 'khor dag las me dpung dang / /sa mchog tsan dan shing las tsha reg bzhin/ /mtshan ldan bla ma dam pa de yi gsung / /snying la gdung byed sngon med 'di 'dra thos/ /de nas nyer dgu'i nyin rta rin thog bya ba'i ljongs skyid po zhig yod pa der/ gnas gsar nas zhal ngo rnams thab bteg nas bsu ba la byon/ gdan bzhes der mdzad dgyes pa'i gsung mang po byon te de nub rdzong du dgongs phebs shig mdzad/ /de dus dbyar nyi log char kyang phebs pa'i dus yin mod/ skyes bu dam pa 'di lta bu zhing gzhan du gshegs pa na dkar phyogs pa rnams yid mi dga' zhing / nag po'i phyogs 'go 'degs par byed la/ de'i mthus 'byung ba rnams kyang g.yo bar 'gyu ba chos nyid yin pas/ de'i nyin dus ma yin pa'i rlung chen po zhig kyang glo bur du langs/ ra chu sogs phyogs de'i 'bab chu dang rdzing bu thams cad kyang skad cig la skams/ g.yas ru gtsang po yang 'dom re tsam glo bur du bri ba sogs mi dge ba'i ltas mang po zhig lhags mod/ blun bu bdag cag la sogs pa dang lta ci/