[A:366]'gro 'dug tsam yang shin tu dka' bar byung ba na/ bla ma dam pa'i thugs kyi dgongs pa nam mkha'i dbyings lta bu la/ rang rang gi blo dang bstun pa'i spar tshod kyis 'jal ba'i sku 'khor dang / sbyin bdag chen pos/ da lam chos rje pa spyan 'dren zhu ba 'di shin tu stabs ma bde ba zhig yong 'dug pas da lam 'then/ nad 'di thag chod bstun legs pa 'dra zer ba so so nas nan tan du zhus 'dug pa la/ da lam ma mjal na de nas mjal ba'i nges pa ya med gsungs spyan 'dren pa nyid la thugs thag bcad de/ bka' lung gsal po 'di bzhin phebs 'dug na'ang chos rje pa de dgung lo brgyad cu gya grangs pa'i bgres po zhig yod pa de la dgongs pa yin snyam pa tsam las sus kyang ma rtogs par 'dug /khyod kyis ma 'ongs gsal bar mkhyen pa'i bka'/ /bstsal mod gzhan du go ba'i bdag cag rnams/ /nog dang lkog shal spangs pa'i ba lang zhig /lags bsam 'on te bdud kyis brlams par nges/ /de'i tshe gling bu zhes bya ba'i yul na 'brum pa med pa der rje 'di nyid phyag phebs shing / gdong kha nas sgrub chen rin po che yang spyan drangs nas zhag dgu bzhugs/ bdag gis gling bu thug phyags phyi byas nas phyir log pa'i tshe/ de 'dra'i bka' las ci byung na'ang rin po che ba spyan drongs pa 'di sems bde gsung mnyes mnyes du ma mdzad kyi 'dug pa la/ sngar ma gsan pa'i khag che ba 'dra gsan pa lags sam zhus pas/ min da gsar pa zhu ba'i spros pa bcad bdog /rgyu lam dang lam zab sogs chag med 'di pa zhig gso ba yin gsung ba la/ ci yin/ thugs dam 'chag pa ni med de 'dra'i bka' las bsam pa