[A:365]ma 'di yi gsung gi rgyun/ /rgyun chags spel mkhas 'di dag rnams la yang / /yang yang mjal bar dka' yi gus pa bskyed/ /de ltar bdag gi bla ma gdul bya 'dul ba'i dus mkhyen cing thabs la mkhas pa 'dis/ dgung lo bcu drug nas drug cu rtsa brgyad kyi bar du/ gdul bya so so'i khams dang bsam pa dang bag la nyal dang rjes su mthun par chos kyi 'khor lo rgya chen po bskor te/ sras kyi thu bo rnams ni yongs su smin cing grol te mu mtha' med pa'i 'gro ba'i 'dren par ni mnga' gsol/ kha cig ni rang gi don mthar phyin pa la bkod de/ ma 'ongs pa na 'gro ba sgrol ba'i nus ldan du mdzad/ zhal mthong ba dang gsung thos pa dang sku'i grib ma phog pa tshun gyi sems can rnams rang rang gi skal ba dang 'tsham pa'i mngon par mtho ba dang / nges par legs pa la bkod nas thams cad kyang mthar thug rdo rje 'chang chen po nyid las mi 'da' bar mdzad de/ sku des gdul bar 'os pa ni phal cher btul nges pa'i don gyi bstan pa rin po che ni nyin mo ltar mdzad pa'i mthar/ dag pa'i zhing khams gzhan dag na gdul bya dus la bab par mkhyen pa dang / bdag cag la sogs pa zhing 'di'i gdul bya skal ba dman pa dag gi bsod nams kyi bgo skal ni re zhig de tsam du zad pas/ yongs su mya ngan las 'da' ba chen po'i tshul ston par bzhed de/ dam tshig gso ba'i dbang bskur gsan par dgongs nas chos kyi rje grub chen sangs rgyas dpal ba spyan 'dren zhu bar brtsams pa na/ de dus bo dong phyogs na 'brum nad cig yod cing / gdong kha ba'i mi ngo mang pos 'brum pa ma thar bas pho nya