[A:364]chos grwa de'i gra tshang so so'i slob dpon la sogs pa mdo sngags la sbyangs pa du ma/ 'gos padma gung btsan gyi skye mtha' sprul sku gter ston chen po byar rung kha shor ba sngags 'chang shAkya bzang po/ 'ja' lus rdo rje'i sku la mngon par nye ba'i rje btsun ma 'khrul zhig kun dga' chos ldan/ sgrol lam drag po'i chos la mnga' brnyes pa gnam sdings pa tshe bdag rnam rgyal/ rje nyid kyi gcung po dam can bran du 'khol ba'i mthu stobs can dkon mchog lhun grub/ rdzogs chen zab mo'i chos la dbang 'byor pa zings pa rta mgo'i dpon chen la sogs pa snga 'gyur gyi chos la mkhas shing grub pa mang po ste/ mdor na gzhan lung rtogs dang rang bzhin gyi yon tan til 'bru tsam ma mchis kyang / bla ma dam pa de'i sku drin 'khor thabs med pa snying la dran pas gsol ba phur tshugs su 'debs pa bdag lta bus mtha' brten pa'i zhal slob du ma zhig gis/ bstan pa rin po che srid mtha'i bar du spel ba 'di yin mod/ a ho skya rengs shar ba'i gzi brjid kyis/ /nyi ma'i 'od zer blun po yis kyang go /mdzes ldan bung ba rol pa'i 'phur lding gis/ /padma'i 'dzum dkar bzhad par mi shes sam/ /dam pa khyed kyi yon tan lta ci smos/ /sras kyi thu bo'i yon tan cha tsam la'ang / /'dzin ma'i khyon 'dir 'gran nus ma mthong na/ /shes ldan skye bo su zhig the tshom za/ /mi shes blun po 'bum phrag mang po las/ /blo ldan mkhas pa re re khyad par 'phags/ /grangs med rmongs pas bskor ba'i khengs ldan rnams/ /rang spyod mthun pas mgu ba tsam du bas/ /kwa ye legs par soms dang shes ldan kun/ /kun mkhyen bla