[A:361]sla zhing brjod bde la rna bar snyan pa gzhan la phan pa 'ba' zhig yod pa yin no/ /gzhan gyis byas pa'i yi ge mtha' dag la/ /rang rang blo dang bstun pa'i bcos ka dang / dbu zhabs tshigs bcad spos nas ngas sbyar zhes/ /glegs bam brgya phrag bsgrigs la ngo mtshar ci/ /tshad ldan rgyud kyi chu gter dngos su 'khrungs/ /rgyun ldan bla ma'i zhal gdams 'od kyis phye/ /don ldan sbrang rtsis gtams pa'i dri bsung can/ /skal ldan bung ba'i tshogs kyi bsod nams bzhin/ /glegs bam grangs su 'dren pas cher ngal ba'i/ /mkhas rlom khyed rnams snying las chung gyis dang / /cung zad tsam 'dis gzhan la phan pa bzhin/ /khyed kyis sbyar ba kun gyis nus re kan/ /de ltar 'chad pa dang rtsom pa la sogs pa'i mkhas pa'i bya ba sgrub par 'os la phan che ba de dag lhur mdzad pa'i mthus gsung gi bdud rtsis blo gros kyi lus rgyas te/ rang gzhan gyi don mdzad pa la ngal ba spangs pa'i mkhas grub du ma zhig bskrun par mdzad mod/ thams cad bgrang bar ga la nus/ mdo tsam smos na rje btsun sa skya pa'i snyan brgyud yid bzhin gyi nor bus thugs kyi bang mdzod yongs su gang zhing zab pa dang rgya che ba'i dam pa'i chos kyi 'khor lo sgyur ba'i dbang phyug /sa'i steng na 'gran pa'i zla thams cad dang bral ba'i dpal chos kyi rje zhwa lu gser khang gi gdan sa bcu gsum pa/ mkhan chen thams cad mkhyen pa tshar chen chos kyi rgyal po blo gsal rgya mtsho grags pa rgyal mtshan dpal bzang po'i zhal snga nas/ sde snod rgya mtsho'i pha rol tu