[A:360]grangs med bzhengs pa 'di ci lags/ /gsung rab rtsom pa'i sgo nas bstan pa la bya ba lhag par mdzad de/ bdag chen rdo rje 'chang chen po la gsol ba gdab pa/ rje btsun rdo rings pa chen po la bstod pa/ rnal 'byor dbang phyug kun dga' rgya mtsho'i sku gdung zhugs la zhen pa'i tshe mi lci la bkra shis pa'i rtags brgyad gsal bar shar ba'i tshe mdzad pa'i gdung dbyangs kyi gsol 'debs/ slob dpon padma'i bstod pa/ rdo rje rnal 'byor ma zhal gnyis ma'i bstod pa/ rtsa ba'i bla ma rnams la bstod pa/ gsang 'dus 'jam pa'i rdo rje/ phyag na rdo rje u tsarYa/ mgon po lha chen dpal 'bar bka' gter rnams kyi brgyud 'debs/ 'jam rdor lhan thabs kyi bkra shis/ gsung ngag rin po che'i zin bris gnyis/ sbyor drug gi sngon 'gro'i ngag 'don bde blag tu rtogs byed nor bu'i 'phreng ba/ khyung khra'i sgrub thabs/ sna tshogs yum dang / khyung khra'i rjes gnang gi yi ge /'jam dbyangs dpa' bo grub pa dang / dud sol ma'i rjes gnang gi zin bris/ gsan yig rin cen bang mdzod/ slob ma so so la gnang ba'i zhal gdams/ bkra shis/ smon lam/ bshad pa'i tho la sogs pa yongs su dril na po ti gcig tsam mdzad pa thams cad kyang dam pa'i chos ni thog mar dge ba/ bar du dge ba/ tha mar dge ba/ don bzang po/ tshig 'bru bzang po zhes dang / mgon po byams pas/ dad dang dga' dang blo rnams kyi/ /rgyu phyir chos 'di dge ba yin/ /don rnams gnyis ldan gzung sla dang / /zhes gsungs pa ltar dge ba gsum dang ldan zhing don gnyis ston la/ sdeb sbyor la sogs pa'i 'jigs 'jigs mo gtso bor mi mdzad kyang / gzung