[A:362]son zhing gzhal du son pa'i yon tan rin po che'i phung po la dbang 'byor pa'i mkhas btsun grub brnyes sgo rum dbon rin po che ngag dbang brtan pa'i rdo rje rgyal mtshan dpal bzang po sgyu lus rmi lam la rang dbang brnyes shing bla ma dang lhag pa'i lha du ma las dngos su snang ba thob pa nges par grub pa'i dbang phyug bsam sdings pa mkhan rin po che sangs rgyas seng ge'i zhal snga nas/ bod kyi chos rgyal byang chub sems dpa'i gdung brgyud dri ma med par 'khrungs shing lung rtogs kyi yon tan du mas mdzes pa grom stod kha'u'i brag rdzong gi gdan sa pa lha btsun chos kyi rje shAkya grags pa ri khrod jo nang du rje nyid kyi gdan sa la bzhugs pa mkhan chen nam mkha' bzang po ba/ rig pa'i gnas lnga la ma rmongs shing / mang po gsan pa rgya mtsho lta bu'i pha rol tu son nas skal ldan rnams la chos kyi sbyin pa lhug par stsol ba'i dpal yon can/ ldan grol gyi yon tan bsam gyis mi khyab pa mnga' ba bdag gi bla ma ru thog pa bla chen 'jam pa'i dbyangs nam mkha' gzi brjid kyi zhal snga nas/ sde snod rgyud sde rgya mtsho'i pha rol son zhing rgyud gsum man ngag dang bcas pa la sogs pa'i chos kyi 'khor los dbus gtsang gi ljongs mdzes par mdzad pa rta mo gling kha'i gdan sa pa mkhas pa chen po nam mkha' dbang phyug pa/ chos grwa chen po ngam rings kyi seng ge'i khri la zhabs kyi padma ngal gso ba'i mkhan po paN chen bzang po bkra shis pa/ thub bstan rnam par rgyal ba'i mkhan chen 'bum rab 'byams pa dpal ldan rgyal mtshan pa/ mnyan yod bya rgod gshongs su sde snod kyi bstan pa nyin mo ltar mdzad