[A:351]ltar du phub pa dang bcas pa'i gseb nas lha'i me tog dkar po kha ba lta bur zim bur 'bab pa khyad par shar phyogs na/ 'ja' sna lnga ldan nyi khyim 'dra ba zhig gi nang na 'ja' dkar po ral gri 'dra ba zhig yud tsam snang ba skye bo der 'dus pa kun gyis mthong / rje nyid ni spyan nam mkha'i mthongs su gzigs shing dad gus kyi rnam 'gyur/ spyan chab kyang lhug par gnang gi 'dug /rjes su bdag gi de ring 'ja' sprin sogs gzhan dang ye mi 'dra ba zhig gda'/ gzigs snang yang mang po byung ba 'dra zhus pas/ dri rtog la dpa' gzigs rgyu ci bdog /de bzhin gshegs pa rnams kyi yon tan rjes su dran pas mchi ma shor ba yin/ babs su 'di'i tshe rgyal ba sras dang bcas pas nam mkha'i gtos thams cad gang bar bzhugs nas/ me tog gi char 'bebs par sgom dgos pa yin gsungs te/ rnam kun don yod mdzad pas dus 'da' zhing / /dngos kun rten dang brten pa'i dkyil 'khor du/ /dus kun bsgrib med gsal bar gzigs bzhin du/ /'gro kun brtse bas skyong 'di ngo mtshar gnas/ /lo de'i zla ba brgyad pa nas/ phag lo zla ba lnga pa'i bar du/ sde snod dang rgyud sde rab 'byams la mkhyen pa'i spyan yangs mkhan chen nam mkha' dbang phyug pa dpon slob dbus phyogs nas ched du zhabs bstad de byon nas gsol ba btab pa'i ngor/ bdag cag la sogs pa mang po la dpal dus kyi 'khor lo'i byis pa 'jug pa dang / 'jig rten dang 'jig rten las 'das pa'i dbang sngon du 'gro ba can gyi zab lam yan lag drug pa'i khrid yongs su rdzogs pa zla ba bzhi la rdzogs pa'i nyams khrid dang / sems 'grel skor gsum sbyor