[A:352]ba yan lag drug pa'i man ngag rgya bod kyi yi ge rab tu mang po rnams kyi lung / rje bla ma dam pas mdzad pa'i khrid yig gi thog nas slar yang khrid dang lung dus 'khor nas bshad pa'i las rgyas pa'i lha gsum gyi rjes gnang sogs lam rdzogs pa'i mthar/ 'os su gyur pa rnams la rdo rje slob dpon bdag po dang bdag po chen po'i dbang rdzogs par bskur nas bstan pa spel ba'i nus ldan du mdzad/ gzhan yang / dus 'khor sdom chen/ dpal mkha' 'gro rgya mtsho/ sam bhU Ti/ gur rigs bsdus/ drag po gdan can/ gsang 'dus 'jam pa'i rdo rje/ dgra nag zhang lugs/ 'khor lo chen po/ 'jam dbyangs a ra pa tsa lha lnga dang 'od zer can lha lnga sogs zur bka' mang po/ rdo rje phreng ba dang kri ya sa munytsa bsres pa'i dkyil 'khor zhe lnga'i dbang / de dag gi rgya gzhung rnams kyi lung / gtso che'i chos sna sum cu rtsa dgu phal che ba'i lung la sogs pa chos kyi 'khor lo bsam gyis mi khyab pa bskor zhing / de dus dgra nag gi rgyud gnang bar dgongs nas chos gtor bshams pa la/ 'bel gtam kho na la sa ma sribs bar yengs nas gsung chos ma thub par grwa pa rnams gyes ma thag /thog khar bya rog cig babs te skad 'byin pa na/ ltogs lha la gsung chos gtor bsngo bar mdzad ma thag bya rog de 'phur song ste/ rje nA ro pa'i tshogs lhag dur khrod kyi ma mo rnams ce spyang gi rnam pas lan du 'ong bar grags pa dang 'dra bar snang / mdor na zab la rgya che ba'i chos kyi 'khor los gdul bya rnams kyi rgyud tshim par mdzad de/ 'khrul med rgyud dang 'phags yul mkhas pa'i srol/ /srol lugs du ma'i dbang lung bshad pa'i rgyun/ /rgyun chad med par 'gro la lhug par stsol/ /stsol mod mtshan