[A:161]nas mdzes par bskor ba'i byang phyogs kha ba can gyi ljongs/ yid du 'ong ba'i ne'u gsing dang ljon shing gi phreng ba dang / chu bo sna tshogs dal gyis 'bab pa'i gtsang gi nor 'dzin gyi gzhi dpal ldan a ti sha nyid kyis ches cher bsngags shing byang chub sems dpa' lag na padmas nges par skyong ba'i dpal snar thang gi chos grwa dang 'dabs chags pa/ snyigs dus kyi rdo rje 'chang chen po kun dga' bzang pos rdo rje theg pa'i chos kyi 'khor lo bskor ba'i gnas e waM chos ldan dang nye ba'i sa phyogs/ gtsang chu sgo'i sbugs rdo ring bsam 'grub smon mkhar zhes bya ba yin no/ /pad dkar 'dzin pa'i spyan ras kyis 'tsho ba'i/ /ku mud gsar pa'i 'od chags kha ba'i ljongs/ /'chi med grong khyer 'dzin mar 'phos 'dra ba/ /de ni bdag nyid chen po'i bsti gnas yin/ /'di'i rigs ni bod kyi rgyal po byang chub sems dpa'i rnam sprul mes dbon gsum la sogs pa rim gyis brgyud pa'i mthar yum brtan dang 'od srungs gnyis su gyes pa'i 'od srungs kyi brgyud pa/ dkyil mkhar lha btsun zhes bya ba la sras gnyis byung ba ni btsad po jo khri dang / rje a kro'o/ /snga ma'i sras ra sogs dpon mgon/ phyi ma'i sras dpon jo mgon/ 'di la sras khri dpon dbang rgyal byung / de la sras sku mched bzhi 'khrungs pa'i che ba che sa dpal mgon rin cen pa/ phyis rab tu byung ba'i mtshan kun dga' bsod nams rgyal mtshan dpal bzang po zhes bya ba 'di nyid rten skya bo'i dus na