[A:162]dpa' zhing mdzangs la yangs pa'i blo gros can 'jig rten gyi mes po lta bur byed cing / dus phyis dpal ldan sa skya pa'i zab don rnams la nyams len rtse gcig tu mdzad pas/ gau rI la sogs pa kye rdor lha dgu'i dkyil 'khor lha tshogs bdag nyid kyis bsgoms pa na reg mthong gi mtshan ma thob pa'i bskyed rim gyi gsal snang mthar phyin pa dang / 'od gsal gyi rtags snang bde chen gyi ye shes rgyud la 'khrungs pa sogs rgyud sde nas bshad pa'i sa lam gyi rtags khyad par can thob cing rang gi rtogs brjod mgur du bzhes pa sogs ngo mtshar ba'i rnam thar bsam gyis mi khyab pa mnga' ba 'di ni bdag nyid chen po 'di'i yab yin la/ yum ni sna nam rdo rje bdud 'joms kyi brgyud pa/ sa skya pa'i dpon chen dpal 'bum bzang po nas rim bzhin brgyud de/ drung chen hor pa dang tA'i gu shri yon tan rgya mtsho sku mched gnyis las/ phyi ltar na hor pa'i sras mor byed cing / don la rig sngags 'chang chen po tA'i gu shri ba'i sras mo byang sems dbang mchog rgyal mo'am/ bkra shis rgyal mor grags pa ye shes kyi mkha' 'gro ma'i mtshan dang ldan pa/ ngo tsha khrel yod kyi gos kyis klubs shing dad pa dang gtong ba'i phul du phyin pa skye 'chi la rang dbang thob pa'i lo rgyus dang ldan pa de ni rje 'di'i yum yin zhing / yab yum de gnyis la rigs kyi sras lcam sring brgyad byung ba'i nang nas rje 'di nyid phu bo bgres pa yin no/ /rje 'di pa yum gyi lhums su zhugs pa nas ji srid ma bltams kyi bar du yum zo mdog legs shing sku lus thams cad bde bas khyab