[A:242]bsngal gyi gdung ba yongs su skyob nus pa lta bu byung / lhag par skal ldan gyi 'gro ba 'ga' zhig la rmi lam gyi snang bar rje nyid seng ge'i steng na bzhugs pa'i gsung gi snang bas lung bstan pa sogs ngo mtshar ba mang po byung bar snang / de nas sku gdung rin po che zhugs la yongs su zhen pa'i gdung gi khrod du dbu thod kyi dum bu nang logs la dpal mgon chen po bram gzugs sku phyed yan tsam shin tu gsal ba de man dbyibs yod pa/ rgyab tu hU~M yig kha dog nag po ri mo'i rnam pa can dang / phyag sor gyi tshigs lta bu zhig la baM yig li khri'i mdog can 'bur du dod pa/ ring bsrel mang dag dang bcas pa byon/ gzhan yang rnal 'byor dbang phyug gi sku dang yi ge sogs byon ces gleng ba ni thos/ rjes su byin rlabs rten gyi gdung tsha so sor bkye ba'i khrod na'ang ring bsrel 'khrungs pa'ang byung tshod 'dug /'od gsal nam mkha'i dbyings nas sku bzhengs te/ /chu 'dzin dkar po ling ling g.yo ba'i khrod/ /'jigs med seng ge'i khri la 'gying bzhin du/ /'dzum dkar bdud rtsi'i rgyun gyis skal bzang bskyangs/ gzhal med gdung las bskrun pa'i ngo mtshar rten/ /gsung gi gsang ba 'dzin pa'i skyes chen rnams/ /phyogs 'dir bsod nams gsog pa'i zhing mchog tu/ /brtse chen thugs rjes dbyings nas stsal bar gyur/ /ji ltar na ri ke la'i gling du ba lang zhes bya'i tshig tsam yang / /ma grags de phyir gtam de thos na der gnas skye bo'i blor mi shong / /de bzhin rang nyid brgyud par bcas la ngo mtshar gtam dang bral gyur dag /nged la med phyir