[A:243]gzhan la'ang 'di 'dra mi srid snyam mod ga la mtshungs/ /ma 'jigs blo chung de dag tshur nyon dang / /skye bo dman dang dam pa'i khyad par ni/ /rgya mtsho ba lang rmig rjes chu thig mtshungs/ /de bas lan brgyar thal mo sbyor zhig gu/ /de ltar gong du brjod pas mtshon nas rje btsun dam pa 'di ni mthong ba/ thos pa/ dran pa/ reg pa thams cad kyang skal pa bzang por nges shing / gsung gi gsang ba 'dzin pas kyang dza landha ra nas/ rgya nag mchod rten dkar po yan chad kyi yul gru phal cher na khyab par yod cing / sgrub sde'i chos bzhis kyi rgyun kyang / spyir dus ngan pas ha cang sbags pa'i dbang gis klog pa dang / spong ba'i gra che chung mtha' dag gi dge rgyun ltar chags go nad che bar 'dug na'ang / 'di pa'i chos bzhis kyi thad du ma rungs pa dag gis mig la btags pa'i 'gro 'tsham ji snyed byas 'dug pa la/ rje nyid kyi thugs rje dbyings nas gzigs pa'i byin rlabs kyis/ dpal gur gyi mgon po'i 'phrin las kyi gzegs ma gang gi snying la zhugs pa'i bstan pa'i sbyin bdag rgya bar pa nang pa dge bsnyen pas bstan pa bsrung ba'i khur blangs te/ 'jigs su rung ba'i gtam gyi sgra bsgrags pa na thams cad kyi snying lkog mar bros te/ mig tsam yang lta ba'i skabs med par gyur te/ da lta'i bar du bogs yong sgo mtha' dag tshang mar bla brang du bzhes nas 'dod dgur longs spyod chog pa'ang kun gyi mthun snang du grub pa 'di lags so/ /de dag la 'di skad ces bya ste/ gzugs sku'i rol rtsed chos