[A:234]ma yin pa'i bstan pa la mi phyed pa'i dad pa can bdag chen rdo rje 'chang chen po'i snag dbon rtsis gnas gsar ba sde pa nam mkha' rdo rje ba/ khri skor chen po bcu gsum la dam kha gling drug mas kha los sgyur ba dbon chen dpal 'bum bzang po'i rigs brgyud skyid shod ra ma sgang pa dang / sa skya skyed 'phreng pa sogs mi chen gyi sbyin bdag kyang bsam gyis mi khyab pas mchod cing bkur ba'i gnas su bzhugs pa yin no/ /khyod thugs snying rje'i rang mdangs dam pa'i chos/ /gzhom med nA da'i dbyangs kyi tambu ra/ /rang dang skal bar 'tsham pa'i sgra brnyan ni/ /lha yi rnga bzhin dus su 'doms par 'gyur/ /dngos grub lag rtser sbyin pa zab mo'i lam/ /sa skya'i bla chen mchog gi snyan brgyud rnams/ /dus kyi dbang gis thun mong gtam dang 'dres/ chu med khron pa mar me'i snang brnyan ltar/ /gyur tshe 'khon ston chos kyi sprin sngon las/ /'ongs pa'i gsang chen bdud rtsi'i chu char ni/ /khyod thugs rgya mtshor babs pa'i dga' ston gyis/ /bskrun pa'i mkhas dang grub pa'i chu klung stong / /nor 'dzin pha mtha' 'tshol ba'i ngang tshul can/ /khor yug ri bo'i bar 'di yongs gang bas/ /bshad sgrub rlabs phreng dkar po chal chil g.yo/ /thub bstan padmo'i rtsa lag e ma mtshar/ /dregs ldan ral pa'i spo la gar bsgyur zhing / /che dgu bye ba'i ri dbang gtsug na 'dzegs/ /blo gsal yongs kyi padma'i tshal skyong ba'i / /sngon med bstan pa'i nyi gzhon gsar pa zhig /gangs can skye rgu'i bsod nams mthu las grub/ /de dag la 'di skad ces bya ste/ lung rtogs yon