[A:225]tan chu gter yongs su gang / /mkhas dang grub pa'i chu klung 'bum phrag spros/ /bstan dang 'gro ba'i phan bde'i lo tog ni/ /phyogs bcur rgyas pa'i dga' ston 'di rmad do/ /zhes pa'o/ /bzhi pa zhing 'di'i mdzad pa mthar phyin pa'i rjes su gzugs sku chos dbyings su bsdus te/ chos kyi sku rnam pa thams cad pa mngon du mdzad pa'i tshul ni/ de ltar bstan pa dang sems can gyi don lhur mdzad bzhin pa'i ngang nas dgung lo bdun cu rtsa drug bzhes pa'i nyi grol zhes bya ba shing pho spre'u'i lo/ /spyir sa g.yo ba dang dus ma yin pa'i rlung chen po ldang ba dang / sgra 'od la sogs pa'i rnam pa mang du byung zhing / rje nyid kyang zhing gzhan du 'byon pa'i gsung 'ba' zhig gnang / lhag par lan cig mdang rmi lam du 'ja' tshon gyi khang pa gsum rim gyi bar ma na nga rang 'dug pa la zur bzhi nas bud med bzhis bteg nas 'og min du 'gro ba yin zer mthon po zhig nas ye re re 'gro ba'i rmi lam zhig byung / rmi lam rang yin 'og min la ched du steng ngos su 'gro rang ci dgos gsung / yang deng sang snang ba thams cad 'od gsal 'ba' zhig tu thim 'gro ba dang / res 'ga' de'i ngang las yig 'bru dmar ljang gi rnam par khrig gis 'char/ klog pa'i 'dun pa byas tsa na yal 'gro bar 'dug gsung pa sogs la the tshom du gyur te/ bdag gis spyir bstan pa dang sems can gyi don dang lhag par bdag cag mgon skyabs gzhan med pa'i 'gro ba rnams la thugs brtse ba chen pos dgongs nas zhabs kyi padmo yun ring du brtan pa'i thugs 'dun cis kyang gnang dgos zhus