[A:222]ba rnams la gdams pa dmigs phug ste gnang / phal cher ni sku mdun du sleb pa tsam gyis sbrul gyi mdud pa ltar rang grol du 'gyur ba mang ba yin no/ /de bzhin du lkugs pa mang po zhal chab gnang ba tsam gyis ngag grol ba byung ba la gsung nas lkugs pa kha bye yong ba 'di aShta'i bsnyen pa tshar gsum byas pa 'di'i byin rlabs yin snyam pa yod gsung / lhag pa'i lha rnams kyi bsnyen sgrub mthar phyin pa'i mthu stobs dang / mtha' bral gyi lta ba la klong du gyur pa'i ye shes kyi gzi brjid dang / byang chub kyi sems bcos ma ma yin pa thugs rgyud la 'khrungs pa'i byin rlabs kyi zil gyis lha srin dregs byed rnams kyang bka' las mi 'da' zhing 'phrin las bsgrub pa yin te/ rten skya bo'i dus bsam yas pe kar lcog tu phebs pa'i tshe/ mgon po rnams kyi gtor bsngos kyi rjes su gzhi bdag gtor ma dang lhan cig de na gnas pa'i rgyal po chen po la'ang gtor ma dang bstan pa bsrung ba'i bka' bsgo chos kyi sbyin pa dang bcas pa gnang ba'i tshe/ sku mdun der mda' dar khrod nas dar chen kha gang pa zhig bskyur byung bas/ dkon gnyer na re/ 'di shin tu mnyes pa'i dngos grub kyi mtshan mar 'ong gi yod pas cis kyang bsnams dgos zer bar/ rje nyid kyis nga la ni 'di la 'dod med khyed ni rgya khab mig bol gyi rjes la bya rgod kyi nyin lam bco brgyad rgyug zer bar gda'/ khyed rang gi 'di nam dgos la long zhig gsungs/ dar de sku bsrungs 'byam thag gi sne mor grol mdud zhig mdzad de/ bsnams byon pas/ zhag 'ga' nas dar de bskyur ba na rjes su phebs dus/ dkor mdzod gling rang na sleb