[A:221]'dan ma'i grwa pa zhig khams 'dus kyis smyo ste ri klung kun tu rgyug cing tho co'i spyod pas mi bsrun par gyur pa na/ der yod pa'i chen por rlom pa mang pos byin rlabs bgegs skrod/ sman pa la ston pa sogs ji snyed byas kyang ye ma phan par/ kun gyis gdon chen po zhig gis btab par thag bcad nas mun khung du bcings te bzhag pas shin tu bying bar gyur pa'i tshe/ rje 'di pa ngor du phebs pa la zla bo rnams kyis rgyu mtshan phul bas khrid shog gsung / sku mdun du sleb pa na yun ring po zhig de la thugs bstad nas mnyam gzhag gi ngang du bzhag /mthar ngo thong gsung ba ltar btang bas sngar ltar re zhig brgyugs te slar drung du 'khor byung ba la/ gegs sel gyi dmigs pa gnang ba'i dus/ de na yod pa'i gzhan dag na re/ rdo ring kun spangs pa 'di ham pa rang che ba mi gdon gyis btab pa la gegs sel byed zer ba sogs rang nyid dma' 'bebs pa'i kha 'chal mang pos skur ba 'debs par byed kyang de dag la ched du smod pa bzhin kho 'phral du gegs de las grol nas/ dpal ldan sa skyar bdag chen rdo rje 'chang chen po'i zhabs drung du 'chag med rnams gso ba dang / sngar gyi gnas tshul rnams zhu yig tu 'khod pa mdzad de gnang ba na/ zhu lan du pha la bu skyes ngas lam 'bras bshad pa la don 'bras byung gsung ba sogs dgyes pa'i bya dga' mdong gsol dpag med mdzad/ des mtshon nas rtsa rlung gi gegs kyis khams 'dus pa'i smyon pa rgyal khams la rgyug pa gzhan sus kyang ma phan pa dgu tsam/ gzhan khams 'dus pa phra mo grangs med gegs las grol bar mdzad/ de yang gegs cher che