[A:223]'dug pa sogs bka' bzhin las mi 'da' bar snang zhing / nyang stod kyi rgya 'dre gnas pa'i rtog bcas yod pa'i khang pa zhig tu/ bdag chen rdo rje 'chang chen po'i bkas khyed der bzhugs la lha 'dre de thon gsung ba ltar der bzhugs pas cho 'phrul du mas thog mar ma sdod zer/ de nas khang pa la phyed dgos kyi ri mo 'bri ba sogs byed/ mthar nyam thag pas smre sngags 'don zhing bud song ba'i sang nyin de/ bdag chen rdo rje 'chang chen pos da lha 'dre de mdang don song bas de ring 'dir byon gsung ba'i zhal ta phebs pa dang / dbus kyi 'jangs su phebs pa'i dus shig /khong tsho la gnod pa'i lha 'dre 'ga' cis kyang gnon dgos pa'i gsol ba btab pa'i de'i gzugs kyi khrod na btsun pa'i gzugs brnyan zhig 'dug pa la 'di gang yin gsungs pas rgya 'dre yin zer/ gnod pa gang byas gsungs pas sngar ma byas/ da byas kyi dogs pa yin zhu ba la/ 'o na mi 'ong gsung / de bton gzhan rnams mnan pas/ sang nyin de gzigs snang la shel grong gi phyogs de'i ri'i phag na gzugs phyed tsam thon pa'i paNDi'i ta'i cha lugs can zhig gis rje nyid la thal mo sbyar nas 'dud pa'i rnam pa dang bcas pa byas thugs rjes bzung / zhabs tog bsgrub lags zer nas yal gsung / rdo ring na bzhugs pa'i dus shig legs shes zer ba'i mi gcig la gnas rnying rgyal po zhugs/ sus kyang ma thub pa la rje nyid gdan drangs te/ bskyed rim gyi nga rgyal dang ldan pas kho'i steng du bzhugs pas skad shor te rang dbang med par don/