[A:158]ba'i gar gyi mi ngal 'di ya mtshan/ /'on kyang khyod nyid kho na'i khyad chos min/ /ma lus rgyal ba'i sgyu 'phrul dra bar bas/ /de yang bye brag tu 'di skad ces thos te/ /gangs ri'i khrod kyi sgrub brgyud 'dzin pa'i ded dpon dwags po bka' brgyud ces grags pa'i rnal 'byor dbang phyug rnams kyi rtse mor son pa dbus smyon he ru ka nyid kyis rje de nyid 'gro ba'i mgon po phag mo gruu pa bde gshegs khams pa rdor rgyal du grags pa de nyid kyi rnam 'phrul yin no/ /zhes phyogs thams cad du bsgrags shing / lhag par de nyid kyi grwa pa 'ga' la'ang gnam kha 'u na deng sang phag mo gru pa bzhugs yod pas mjol shog gsung ba sogs rgya cher bsngags pa brjod pa dang / rje nyid kyi gsung las kyang / chos skyong lha mo zhig cha lugs sna tshogs kyis dus rgyun du rtsar yong zhing / nged rang la dge ba'i rnam pa yod dus dga' ba'i rnam 'gyur byed/ cung zad rtsub pa'i dus mya ngan gyi cha lugs dang rnam pa byed pa zhig 'dug gsung ba la/ bdag gis ji lta bu lags zhus pas/ gang 'dra yin nam dbus smyon pas nged rang phag mo gru pa'i sprul pa yin zer gyi yod 'dug /de ltar na de dus kyi srung ma zhig yin pa 'dra gsung bas don gyi nges par zhal gyis bzhes par snang zhing / gzhan yang yid ches pa'i rgyu mtshan du ma mthong bas gdon mi za bar snang la/ des na phag mo gru pa'i rnam thar du sangs rgyas 'khor ba 'jig gi rnam sprul du bshad cing / 'phags yul du'ang slob dpon chen po lwa ba'i na bza' can la sogs pa yin par bshad pas rje 'di pa'ang