[A:220]dang mtshan ma'i dge mtshan dpal thob nas/ /las bzhi'i 'phrin las lhun gyis grub par gyur/ /'ga' zhig 'gro ba'i sdug bsngal ma bzod nas/ /ba spu langs shing mchi ma char ltar 'bab/ /skad gsangs mthon pos rje btsun bla ma la/ /snying nas 'bod cing lhang lhang gsol ba 'debs/ /la la lam zab bla ma'i rnal 'byor gyis/ /nyams len sgeg sogs lha mo ji bzhin du/ /ldem ldem gar gyis mdzes sdug ngom byed cing / /mchod sprin rgya mtshos mgon khyod 'khor bcas mchod/ /kun kyang mnyam gzhag thun bzhi'i rnal 'byor gyis/ /bde chen ye shes dbang gi chu bo'i rgyun/ /nyams pa med pa'i bdud rtsis rgyud gtams te/ /rdo rje 'dzin pa'i don dang mthun par gnas/ /de ltar rgyud sde rin po che nas bshad pa'i nyams myong tshad ma mthar phyin pa thugs rgyud la 'khrungs shing / khyad par rnal 'byor dbang phyug birWa pa'i snyan brgyud kyi gdams pa zab mo la rang dbang thob pas/ phyi nang gsang ba'i rten 'brel rtsa rlung gi gnas 'gyu la sogs pa'i tshul ji lta ba bzhin gzigs pas ting nge 'dzin ye ma skyes pa dang / cung zad skyes kyang bogs ma thon pa sogs la lus kyi gnad dam/ rlung gi 'dzin tshul sems kyi dmigs pa 'di ltar gyis zhes cung zad kyi gnad gsungs pas/ de 'phral du ting nge 'dzin khyad par can skye ba dang / kha cig la ni spyan gyi lta stangs dang bcas te thugs bstad pa tsam gyis ting nge 'dzin skyes pa'ang byung / lhag par thog der dus mtshungs pa la/ gsung ngag rin po che'i gegs sel mtha' dag la klong du gyur pa rje 'di kho nar bas te/ cung zad mtshon na ngor du