[A:214]mdzod la dbang sgyur ba ltar yod pa rnams kyang / sbyin pa'i zhing rnams la rgya mtsho chen po rlabs phreng ltar chal chil du spyod par mdzad pa ma gtogs rang nyid kyi don du zhen chags cung zad tsam yang mi mnga' ba yin te/ de yang dper mtshon na rten skya bo'i dus nas jo bo shAkya mu ni'i drung du rab tu byung ba rnam dag brgya phrag gi zhabs tog rgyun par sbyor ba'i smon lam 'debs par mdzad pa ji lta ba bzhin/ rje rdo rje 'chang chen po'i thugs dgongs rdzogs phyir ngor gyi ltag tu rim gnyis kyi rnal 'byor la sgrub pa lhur mdzad pa'i sgrub sde'i rgyun/ bla ma spyi dang / lhag par bdag chen rdo rje 'chang chen po'i thugs dgongs rdzogs pa'i slad du/ kha'u'i brag rdzong gi ri khrod nyid du gtsug lag khang gsar pa rmad du byung ba/ logs bris kyis khor yug tu bskor ba/ gnam sa bar gsum du 'os pa'i mchod sprin dang bcas pa'i dbus su gsung ngag rin po che'i bla ma brgyud pa tshang ma/ gzhan bka' drin che ba'i bla ma mang dag dang bcas pa/ sman sku dzambu gser gyi sku dngos spras pa bzo rigs legs pa'i phul byung / dpyod ldan dag gis bltas na lta bas chog mi shes pa byin rlabs kyi gzi 'od 'bar ba/ 'du khang gsar bzhengs nang logs khor yug tu gong du smos pa'i lha tshogs rdo sku tshon sna tshogs kyis spras pa/ bla ma gong ma rnams kyi phyi rten bzhugs pa de dag las ches che ba'i mchod rten tshad dang ldan zhing yid du 'ong bar rab tu gnas pa'i tshe gdugs lan gsum 'khor bar grags pa rnams bzhengs/ dpal mgon chen po'i mgon khang kyang bzhi thog pa